قازاقستاننىڭ ەكى ءىرى قالاسى مەن التى وبلىسى جارىقسىز قالدى
ق ر ەنەرگەتيكا مينيسترلىگىنىڭ مالىمەتىنشە، 20- قاراشادا ساعات 16:47 دە ۆ ل-500 كۆ ل-5300، ل-5320 و ق م ا ە س-اعادىر جانە ل-5394 اقتوعاي-سەمەي ەلەكتر جەلىلەرى اجىراپ قالعان.
سونىمەن قاتار جۇكتەمەنى شەكتەۋدىڭ ارنايى اۆتوماتيكاسىنىڭ ىسكە قوسىلۋى سالدارىنان ۆ ل-220 ك ۆ ب ت ق (باستى تومەندەتۋ قوسالقى ستانساسى) - قىزىلوردا ل-2019 جەلىسى اجىراتىلىپ، ەلىمىزدىڭ وڭتۇستىك ايماعى قازاقتاننىڭ ءبىرىڭعاي ەلەكتر ەنەرگەتيكا جۇيەسىنەن تىس قالعان.
سونىڭ سالدارىنان جامبىل، الماتى، ش ق و، تۇركىستان، قاراعاندى، قىزىلوردا وبلىستارىنىڭ جانە الماتى مەن شىمكەنت قالاسىنىڭ تۇرعىندارى جارىقسىز قالدى.
ساعات 17:02 دە ل-5300 جەلىسى، ال 17:11 دە ل-5320 جەلىسى ىسكە قوسىلىپ، وڭتۇستىك ايماققا ەلەكتر ەنەرگياسىن شەكتەۋ الىنىپ تاستالدى. ساعات 17:18 دە ل-5394 ەلەكتر جەلىسى قالىپتى جۇمىس ىستەي باستادى. «قازىرگى اقپاراتقا سايكەس، 500 ك ۆ ەلەكتر تاراتۋ جەلىسىنىڭ اجىراۋى جانە جۇكتەمەنى شەكتەۋدىڭ ارنايى اۆتوماتيكاسىنىڭ ىسكە قوسىلۋى ورتالىق ازيانىڭ بىرىككەن ەنەرگيا جۇيەسى تاراپىنان قۋاتتىڭ شامادان تىس بولۋى سالدارىنان ورىن العان»، - دەپ اتاپ وتكەن مينيسترلىكتەن.