+7 (701) 759 90 19
-12 °С : نۇر-سۇلتان
2 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

سان-فرانتسيسكونىڭ باس كىتاپحاناسىندا قازاق ادەبيەتى ءبولىمى اشىلدى

22 قاراشا 08:57
:ءبولىسۋ
سان-فرانتسيسكونىڭ باس كىتاپحاناسىندا قازاق ادەبيەتى ءبولىمى اشىلدى

نۇر-سۇلتان. قازاقپارات - اباي قۇنانباي ۇلىنىڭ 175 جىلدىعىن اتاپ ءوتۋ شەڭبەرىندە سان-فرانتسيسكو قالاسىنىڭ باس قوعامدىق كىتاپحاناسىندا قازاقستان ادەبيەت پەن مادەنيەتىنە ارنالعان ءبولىم اشىلدى، دەپ حابارلايدى ق ر س ءى م باسپا ءسوز قىزمەتى.

وتانىمىز تۋرالى ماتەريالدار ەندى ا ق ش- تىڭ باتىس جاعالاۋىنداعى جىلىنا 1 ميلليوننان استام وقىرمانعا قىزمەت كورسەتەتىپ جۇرگەن باستى كىتاپحانالارىنىڭ بىرىندە كەڭىرەك كولەمدە ۇسىنىلاتىن بولادى.

1878-جىلى نەگىزى قالانعان بۇل كىتاپحانانىڭ قورى بۇگىنگى تاڭدا 4 ميلليوننان استام باسىلىمدى قۇرايدى.

كىتاپحاناعا تاريحي جانە عىلىمي-تانىمدىق ادەبيەتپەن قازاق اقىندارى، جازۋشىلار مەن زەرتتەۋشىلەرىنىڭ شىعارمالارىن، اتاپ ايتقاندا شوقان ءۋاليحانوۆ، جامبىل جابايەۆ، شاكارىم قۇدايبەردى ۇلى، مۇحتار اۋەزوۆ، ءسابيت مۇقانوۆ، ولجاس سۇلەيمەنوۆ جانە تاعى باسقالاردىڭ، تۋىندىلارىن قامتيتىن قازاق، ورىس جانە اعىلشىن تىلدەرىندە جارىق كورگەن شاشامەن 400 گە جۋىق كىتاپ تابىس ەتتى.

باستاما اۆتورلارىنىڭ پىكىرىنشە، كىتاپحانادا وسىنداي ءبولىمنىڭ اشىلۋى جانە اباي قۇنانباي ۇلى شىعارمالارىنىڭ كەڭىرەك تاراتىلۋى امەريكا وقىرماندارىنىڭ قازاق حالقىنىڭ باي مادەنيەتىنە شىنايى قىزىعۋشىلىعىنىڭ وسۋىنە سەپتىگىن تيگىزە الادى.

اتالمىش جوبا «وتانداستار» قورىنىڭ جانە ستەنفورد ۋنيۆەرسيتەتىنىڭ پروفەسسورى الما قۇنانبايەۆانىڭ كومەگىمەن، سونداي-اق «مەديتسينالىق-يننوۆاتسيالىق تەحنولوگيالار» اتتى وتاندىق كومپانيانىڭ بايقاۋشى كەڭەسىنىڭ ءتوراعاسى ميحايل گۋتەرماننىڭ قارجىلاي دەمەۋىمەن قازاقستاننىڭ سان-فرانتسيسكوداعى باس كونسۋلدىعى تاراپىنان ۇيىمداستىرىلدى.

امەريكان تاراپىنان اشىلۋ راسىمىنە كىتاپحانا ديرەكتورى توماس فورتين مەن سان-فرانتسيسكو قالاسى مارياسىنىڭ وكىلدەرى قاتىستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات