بولگاريادا اباي مەن ءال-فارابيدىڭ قۇرمەتىنە مەرەيتويلىق پوشتا ماركالارى شىعارىلدى
پوشتالىق ماركانى شىعارۋ جوباسى قازاقستاننىڭ سوفياداعى ەلشىلىگىنىڭ باستاماسىمەن «بولگاريا پوشتاسى» اكسيونەرلىك قوعامى جۇزەگە اسىردى. ءىس-شاراعا قازاقستاننىڭ سوفياداعى ەلشىلىگىنىڭ وكىلدەرىمەن قاتار حالىق جينالىسىنىڭ ءتورايىمى سۆەتا كارايانچيەۆا، «قازاقستانمەن دوستىق ءۇشىن» پارلامەنتىك توبىنىڭ ءتورايىمى دانيەلا داريتكوۆا، سىرتقى ىستەر ءمينيسترىنىڭ ورىنباسارى ميلەن ليۋتسكانوۆ، كولىك ءمينيسترىنىڭ ورىنباسارى (پوشتا سالاسىنا جاۋاپتى) اندرەانا اتاناسوۆا ، «بولگاريا پوشتاسى» اكسيونەرلىك قوعامىنىڭ باس ديرەكتورى دەيان دىنەشكي، سونداي-اق ءار ءتۇرلى ساياسي پارتيالاردان پارلامەنت دەپۋتاتتارى قاتىستى.
س. كارايانچيەۆا ءوز سوزىندە قازاقستان مەن بولگاريا اراسىنداعى قاتىناستاردىڭ جاقسى دامىپ كەلە جاتقانىن اتاپ ءوتىپ، ءىس-شارا ەكىجاقتى ىنتىماقتاستىقتى نىعايتۋدىڭ تاعى ءبىر مۇمكىندىگى بولعانىن حابارلادى.
سونىمەن بىرگە، ول ەلشىلىگىككەە اتالعان ۇلى تۇلعالارمەن تانىسۋعا مۇمكىندىك بەرگەنى ءۇشىن العىس ايتتى.
جالپى، وتكىزىلگەن ءىس-شارا بولگار اۋديتورياسىن قازاقستان حالقىنىڭ مادەني مۇراسى مەن رۋحاني بايلىعىمەن تانىستىرۋعا جاقسى مۇمكىندىك ۇسىندى.
سونىمەن قاتار، ءىس-شارا اياسىندا فيلوسوفيا عىلىمدارىنىڭ دوكتورى، قازاق ۇلتتىق ۋنيۆەرسيتەتىنىڭ پروفەسسورى جاقىپبەك التايەۆتىڭ بولگار تىلىنە اۋدارىلعان ءال-فارابي تۋرالى جاڭادان شىققان كىتاپتىڭ تۇساۋكەسەرى ءوتتى.
سوڭىندا قازاقستان رەسپۋبليكاسىنىڭ ەلشىسى قوناقتارعا اتالعان جاڭا كىتاپ پەن ابايدىڭ «قارا سوزدەر» بولگار تىلىندەگى باسىلىمىن، جانە «قۇنانباي» فيلمىمەن (بولگار تىلىندە) DVD تابىستادى.