+7 (701) 759 90 19
-15 °С : نۇر-سۇلتان
-10 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

قازاقستان مەن وزبەكستان پرەمەر-مينيسترلەرى تۇركىستان قالاسىندا كەلىسسوز وتكىزدى

22 قاراشا 08:10
:ءبولىسۋ
قازاقستان مەن وزبەكستان پرەمەر-مينيسترلەرى تۇركىستان قالاسىندا كەلىسسوز وتكىزدى

نۇر-سۇلتان. قازاقپارات - ق ر پرەمەر-ءمينيسترى اسقار مامين مەن ءو ر پرەمەر-ءمينيسترى ابدۋللا اريپوۆ تۇركىستان قالاسىندا كەزدەسۋ وتكىزدى، دەپ حابارلايدى primeminister.kz.

ۇكىمەت باسشىلارى ساۋدا-ەكونوميكالىق، ينۆەستيتسيالىق، اۋىل شارۋاشىلىعى، سۋ-ەنەرگەتيكا، كولىك-لوگيستيكالىق، كەدەندىك ىنتىماقتاستىق، سونداي-اق ونەركاسىپتىك كووپەراتسيا مەن ءوڭىرارالىق ءوزارا ءىس-قيمىلدىڭ وزەكتى ماسەلەلەرىن تالقىلادى.

ق ر مەن ءو ر اراسىنداعى 2020-2022-جىلدارعا ارنالعان ىنتىماقتاستىقتى كەڭەيتۋ جانە تەرەڭدەتۋ جونىندەگى پراكتيكالىق شارالار جوسپارىن ىسكە اسىرۋ، ايماقتىق تاۋار وتكىزۋ جۇيەسىن، قازاقستان - وزبەكستان شەكاراسىندا حالىقارالىق ساۋدا-ەكونوميكالىق ىنتىماقتاستىق ورتالىعىن قۇرۋ، شەكارا ماڭى وتكىزۋ بەكەتتەرىن جاڭعىرتۋ جانە ت. ب. ماسەلەلەرگە ەرەكشە نازار اۋدارىلدى.

وزبەكستان — قازاقستاننىڭ ورتالىق ازيا وڭىرىندەگى نەگىزگى ساۋدا سەرىكتەسى. 2019-جىلدىڭ قورىتىندىسى بويىنشا ەكىجاقتى تاۋار اينالىمى %21,2- عا - $4,5 ميللياردقا دەيىن ءوستى.

تاراپتار تاۋار اينالىمىن $10 ميللياردقا دەيىن جەتكىزۋدى كوزدەپ وتىر.

ۇكىمەت باسشىلارى تۇركىستان قالاسىندا توقىما بۇيىمدارىن وندىرەتىن «Turkistan Textile « قازاقستاندىق-وزبەك بىرلەسكەن كاسىپورنىنىڭ اشىلۋ راسىمىنە قاتىستى.

تىگىن فابريكاسى «Turkistan» يندۋستريالىق ايماعىندا 2 گەكتار اۋماقتا ورنالاسقان. ينۆەستيتسيا كولەمى - 700 ميلليون تەڭگە. ءوندىرىستىڭ جوبالىق قۋاتى - ايىنا 13 مىڭ توقىما بۇيىمدارى.

كاسىپورىن ايەلدەر ءۇشىن، ونىڭ ىشىندە ەرەكشە قاجەتتىلىكتەرى بار جاندار ءۇشىن 1 مىڭنان استام جاڭا جۇمىس ورنىن قۇرۋعا مۇمكىندىك بەرەدى.

ا. مامين ا. اريپوۆتى تۇركىستان قالاسىنىڭ الەۋمەتتىك، سپورت، كولىك جانە تۋريستىك ينفراقۇرىلىمىنىڭ جاڭا نىساندارىمەن - حالىقارالىق اۋەجاي، كونگرەسس-حولل، «ۇلى دالا ەلى» ورتالىعى، «تۇركىستان ارەنا» ستاديونى، وقۋشىلار سارايى، «Rixos Turkestan» قوناق ۇيىمەن، سونداي-اق «كەرۋەن-ساراي» كوپ فۋنكتسيونالدى تۋريستىك كەشەنىنىڭ جانە 5 مىڭ ورىندىق مەشىتتىڭ سالىنۋ بارىسىمەن تانىستىردى.

ۇكىمەت باسشىلارى ق. ا. ياسساۋي كەسەنەسىنە، «ازىرەت-سۇلتان» مادەني-تاريحي مۋزەيىنە بارىپ، اباي ەسكەرتكىشىنە گۇل شوقتارىن قويدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات