قازاقستاندىق تەننيسشىلەر ا ق ش- تاعى تۋرنيردىڭ فينالىنا شىقتى

نۇر-سۇلتان. قازاقپارات - قازاقستاندىقتار اندرەي گولۋبيەۆ پەن الەكساندر نەدوۆەسوۆ جۇپتىق سىندا ورلاندو (ا ق ش) چەللەندجەر تۋرنيرىنىڭ فينالىنا شىقتى، دەپ حابارلايدى قازاقپارات ءتىلشىسى.

دودانىڭ 2-راكەتكاسى بولىپ تىركەلگەن ا. گولۋبيەۆ پەن ا. نەدوۆەسوۆ جارتىلاي فينالدا فرانتسيالىقتار ساديو دۋمبيا مەن فابەن رەبۋلمەن كەزدەستى.

قازاقستاندىق جۇپ 1 ساعات 18 مينۋتقا سوزىلعان باسەكەدە 6:3، 7:5 ەسەبىمەن جەڭىسكە جەتتى.

ا. گولۋبيەۆ پەن ا. نەدوۆەسوۆ فينالدا وسى ءتۋرنيردىڭ 1-راكەتكالارى، مەكسيكالىقتار حانس حاح پەن ميگەل-انحەل رەيەس-ۆارەلا نەمەسە امەريكالىقتار ميتچەلل كريۋگەر مەن دجەكسون ۋيتروۋ جۇپتارىنىڭ قاي جەڭگەنىمەن كەزدەسەدى.

تاعى ءبىر قازاقستاندىق دميتريي پوپكو جەكەلەي سىندا جارتىلاي فينالعا شىعا المادى. ول ءۇندىستاندىق پرادجنەش گۋننەسۆاراننان 0:6، 3:6 ەسەبىمەن ۇتىلىپ قالدى.

ەسكە سالا كەتەيىك، بۇدان بۇرىن ا. گولۋبيەۆ پەن ا. نەدوۆەسوۆتىڭ ا ق ش- تاعى تۋرنيردىڭ جارتىلاي فينالىنا شىققانىن جازعان بولاتىنبىز.