قىتايدان ترانزيتتىك جۇكتەردى تاسىمالداۋعا ۋاقىتشا تىيىم سالىنادى

None
None
نۇر- سۇلتان. قازاقپارات - ق ح ر تاراپىنان شەكارالىق ستانتسيالاردا باقىلاۋدى قاتاڭداتۋ سالدارىنان ق ت ج ءتيىستى شارالار قابىلداۋعا ءماجبۇر بولدى، دەپ حابارلادى «ق ت ج- جۇك تاسىمالى» ج ش س باسپا ءسوز قىزمەتى.

شىنجاڭ- ۇيعىر اۆتونوميالىق رايونىنىڭ (ق ح ر) مەملەكەتتىك كوميسسياسى COVID-19 تارالۋىن بولدىرماۋ ءۇشىن قىتايلىق تاراپتا جۇكتەردى قابىلداۋ جانە قايتا تيەۋ كەزىندە باقىلاۋ شارالارىن قاتاڭداتتى.

كوميسسيا شەشىمىمەن باقىلاۋشى ورگاندارمەن ءاربىر ۆاگونداعى جۇكتەردىڭ سىناماسىن الۋ ءراسىمى، مىندەتتى تۇردە كونتەينەرلەردى زارارسىزداندىرۋ مەن وڭدەۋ ەنگىزىلدى. قاپتارداعى ولشەنگەن استىقتى قابىلداۋعا تىيىم سالۋ ماسەلەسى قاراستىرىلۋدا، وتيەكنى قازىرگى كەزدە ءاربىر ۆاگوندى عانا ەمەس، سونىمەن قاتار ءاربىر قاپ تەكسەرىلۋدە.

كۇندەلىكتى كوروناۆيرۋسقا پ ت ر- تەستەن ءوتۋ قاجەتتىگىمەن بايلانىستى جۇكتەردى قايتا تيەۋدە جۇكتەۋشىلەر سانى كەمىپ كەتتى. بۇل رەتتە قازاقستاننان كەلگەن پويىزداردى شەكارالىق باقىلاۋ ۋاقىتى ارتتى.

بۇنىڭ بارلىعى جۇكتەردى كەڭ تاباندى ۆاگونداردان تار تاباندى ۆاگوندارعا ۋاقىتىلى قايتا تيەۋدى قامتاماسىز ەتە الماۋعا الىپ كەلدى. وسى جىلدىڭ 15-قاراشاسىنان قازاقستاننان كەلگەن پويىزداردى قابىلداۋ تاۋلىگىنە 15-16 پويىزدان 10-11 پويىزعا دەيىن قىسقاردى، - دەلىنگەن اقپاراتتا.

وسىعان بايلانىستى «ق ت ج» ۇ ك» ا ق جەلىسى بويىنشا ق ح ر باعىتىنداعى تيەلگەن ۆاگوندار (10 مىڭ ۆاگوننان استام) سانى ارتسا، قوزعالىستان 6,5 مىڭ ۆاگون توقتاتىلىپ قويىلدى.

«ق ت ج» ۇ ك» ا ق وسى جىلدىڭ 23 ىنەن باستاپ 30-قاراشاسىنا دەيىن دوستىق- الاشاڭقاي تۇيىسپەسى ارقىلى ق ح ر باعىتىنا جۇمىركەسەك ءۇشىن جارتىلاي ۆاگوندار مەن كونتەينەرلەردەن، بيگ- بەگتەردەگى جۇكتەردەن وزگە جۇكتەردى تيەۋگە تىيىم سالۋ شارالارىن قابىلدادى. وسى جىلدىڭ 24 - قاراشاسىنان 4 - جەلتوقسان بويىنشا جۇك كونتەينەرلەرىنەن وزگە ترانزيتتىك جۇكتەردى تاسىمالداۋعا تىيىم سالىنادى. جاعداي وزگەرگەن كەزدە قابىلدانعان شارالار الىنىپ تاستالادى، - دەپ جازدى باسپا ءسوز قىزمەتى.


سوڭعى جاڭالىقتار