قاشىقتان وقۋ: اتا- انا تاراپىنان بالاسىنىڭ تاربيەسىن، وقۋىن قاداعالاۋ كۇشەيدى – ءمۇعالىم
سونىڭ ءبىرى - اتا- انا تاراپىنان بالاسىنىڭ تاربيەسىن، وقۋىن قاداعالاۋ كۇشەيدى، دەپ حابارلايدى قازاقپارات ءتىلشىسى.
پەتروپاۆلداعى سافۋان شايمەردەنوۆ اتىنداعى قازاق كلاسسيكالىق گيمنازياسىنىڭ قازاق ءتىلى ءمۇعالىمى اسەم قۇلىبەكوۆانىڭ ەڭبەك ءوتىلى 18 جىل. بالالاردىڭ ومىرىنە، قاۋىپسىزدىگىنە جاۋاپ بەرگەندىكتەن مەكتەپتەر امالسىزدان قاشىقتان ساباق بەرۋ فورماتىنا كوشكەن. قازاق كلاسسيكالىق گيمنازيا «Microsoft Teams» پلاتفورماسى ارقىلى جۇمىس ىستەيدى. ۇستازدىڭ ايتۋىنشا، ءار جۇمىستىڭ ارتىقشىلىعى، كەمشىلىگى بولادى. بۇل فورماتقا كوشكەلى ءبىراز قيىندىق تۋعان. ونىڭ باسىم بولىگى - تەحنيكالىق، ياعني ينتەرنەتتىڭ جوقتىعىنا نەمەسە ساپاسىنا بايلانىستى.
«قاشىقتان وقىتۋعا كوشۋ ارقىلى مەن ءوزىم كوپ نارسەنى ۇيرەندىم. بۇل جاعداي ءبىزدى جاڭاشا ويلاۋعا، جاڭا ماشىقتاردى مەڭگەرۋگە تۇرتكى بولدى. جالپى، جاڭا فورماتقا كوشكەنىمىزبەن جۇمىسىمىز ازايعان جوق. ساباققا بۇرىنعىداي دايارلانامىز، تۇرلەندىرۋگە تىرىسامىز. بارلىق ءادىس- ءتاسىلدى قولدانامىز. پلاتفورمادا تاقتا دا بار، اسىرەسە گرامماتيكانى ۇيرەتۋدە ول وتە قاجەت. بالا ەستىگەننەن گورى، كوزبەن كورگەندى جاقسى قابىلدايدى»، - دەيدى اسەم ق ۇلىبەكوۆا.
گيمنازيادا 5-11-سىنىپتار ءۇشىن ساباق ءبىر اۋىسىمدا، تۇسكە دەيىن وتەدى. ال تۇستەن كەيىن مۇعالىمدەر موتيۆاتسياسى تومەن وقۋشىمەن، كىمگە كونسۋلتاتسيا كەرەك - سولارمەن جەكە- دارا قوسىمشا جۇمىس ىستەيدى.
«اتا- انالار تاراپىنان تۇسىنىسپەۋشىلىك جوق. ولاردىڭ جاۋاپكەرشىلىگى جوعارى. وسى قاشىقتان وقۋعا كوشكەلى اتا- انالارمەن بايلانىس نىعايا ءتۇستى. ولاردىڭ تاراپىنان بالالارىنىڭ ساباعىن قاداعالاۋ جاقساردى. بۇرىنعىداي مۇعالىمگە، مەكتەپكە سەنىپ وتىرمايدى. قاشىقتان وقۋدىڭ بالاعا زيانى جوق دەپ ويلايمىن. ولاردىڭ جاڭا فورماتقا كوشۋدەن ءبىلىمى ورتايىپ قالعان جوق. وقۋشى بۇرىن قالاي وقىسا - سول دەڭگەيدى ۇستاپ تۇر. وقيتىن بالا وقيدى، ونىڭ ارتىندا اتا- انا تۇر»، - دەيدى گيمنازيا ءمۇعالىمى اسەم قۇلىبەكوۆا.