عالىمدار قارتايۋدى باياۋلاتۋدىڭ ءادىسىن تاپتى
ادام اعزاسىنىڭ قارتايۋ پروتسەسىندە تەلومەرلەر قىسقارادى. ياعني ادامنىڭ جاسى ۇلعايعان سايىن، اۋرۋلارى كوبەيگەن سايىن تەلومەرلەر قىسقارادى. گەنەتيكا سالاسىنداعى كوپتەگەن زەرتتەۋشىلەر تەلومەرلەردىڭ ءوسۋىن قالپىنا كەلتىرۋ جانە قارتايعان جاسۋشالاردى جويۋ جولدارىن ىزدەۋگە تىرىسۋدا. تەل- اۆيۆ ۋنيۆەرسيتەتىنىڭ عالىمدارى مۇنداي ناتيجەگە گيپەرباريالىق وكسيگەناتسيا نەمەسە جوعارى قىسىم جاعدايىندا وتتەگى تەراپياسىن قولدانۋ ارقىلى قولجەتكىزە الدى. ولار ەگدە جاستاعى ادامدار گيپەرباريالىق باروكامەراسىندا تازا وتتەگىن العان كەزدە تەلومەردىڭ ۇزىندىعى% 20 وسەتىنىن انىقتادى.
زەرتتەۋگە 64 جاستان اسقان 35 ادام قاتىستى. ولاردىڭ ءارقايسىسى ءۇش اي بويى اپتاسىنا بەس كۇن 90 مينۋت گيپەرباريالىق باروكامەراعا ورنالاستىرىلدى جانە سول جەردە تازا وتتەگىمەن تىنىس الدى. ەكسپەريمەنتتى ۇيىمداستىرۋشىلاردىڭ ايتۋىنشا، قازىر زەرتتەۋگە قاتىسقانداردىڭ تەلومەرلەرى 25 جىل بۇرىن بولعان ۇزىندىققا جەتتى. سونىمەن قاتار بۇل تەراپيا اعزاداعى قارتايعان جاسۋشالار سانىنىڭ %37 تومەندەۋىنە مۇمكىندىك بەردى.
www.24.kz