+7 (701) 759 90 19
-10 °С : نۇر-سۇلتان
3 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

كوروناۆيرۋس جۇقتىرعان قاي ساناتتاعى ادامدار بىردەن اۋرۋحاناعا جاتقىزىلادى

20 قاراشا 19:26
:ءبولىسۋ
كوروناۆيرۋس جۇقتىرعان قاي ساناتتاعى ادامدار بىردەن اۋرۋحاناعا جاتقىزىلادى

نۇر- سۇلتان. قازاقپارات - كوروناۆيرۋس جۇقتىرعان قاي ساناتتاعى ادامدار بىردەن اۋرۋحاناعا جاتقىزىلادى؟ بۇل ازاماتتاردىڭ ساناتىن نۇر- سۇلتانداعى كوپسالالى مەديتسينالىق ورتالىعىنا قارايتىن قالالىق ينفەكسيالىق ورتالىقتىڭ باسشىسى تاتيانا تسەچويەۆا اتادى، دەپ حابارلايدى قازاقپارات ءتىلشىسى.

«ولار: وكپەسىنىڭ قانداي بولىگى قابىنعانىنا قاراماستان پنيەۆمونياسى ورشىگەندەر، قانت ديابەتىمەن اۋىراتىندار، دەنەنىڭ ارتىق سالماعىنان قيىندىق كورىپ جۇرگەندەر، ءارتۇرلى جۇرەك- قان تامىرلى اۋرۋىنا شالدىققاندار، ونىڭ ىشىندە ارتەريالدى گيپەرتەنزياسى بارلار. سونىمەن قاتار وكپەسىنىڭ قابىنۋ دەڭگەيى 30 پايىزعا جەتكەندەر، كوروناۆيرۋس جۇقتىرعان اياعى اۋىر ايەلدەر، سونداي- اق كوروناۆيرۋستى اۋىر كوتەرەتىندەر مەن ۇيىندە ەمدەلۋگە نەمەسە وقشاۋلانۋعا جاعدايى جوق ازاماتتار دا بىردەن ستاتسيونارعا جەتكىزىلەدى»، - دەدى تاتيانا تسەچويەۆا و ك ق- دا وتكەن باسپا ءسوز ءماسليحاتىندا.

ينفەكسيونيست ماماننىڭ ايتۋىنشا قازىر كوروناۆيرۋس جۇقتىرعان ازاماتتار №10 حاتتاما بويىنشا ەمدەلىپ جاتىر.

«كوروناۆيرۋستى ورتا جانە اۋىر دەڭگەيدە كوتەرۋدىڭ سيپاتتاماسى قانداي؟ اۋرۋ اعزادا قانشالىقتى جىلدام ءورشۋى مۇمكىن؟ سونداي- اق كوروناۆيرۋستى ءورشىتىپ الماۋدىڭ جولدارى قانداي؟ ەڭ ءبىرىنشى كەزەكتە ءوزىڭىزدى ەمدەۋدى دوعارىڭىز. ياعني بىرنەشە اۋرۋى بار ازاماتتار بۇرىننان قابىلداپ جۇرگەن بازالىق پرەپاراتتاردى قابىلداۋدى توقتاتپاۋى ءتيىس. ءتىپتى كوروناۆيرۋس جۇقتىرعان ۋاقىتتا دا، ستاتسيوناردان شىققان كۇندە دە سول رەجيم مەن پرەپاراتتاردى قابىلداۋدى جالعاستىرعاندارى دۇرىس. البەتتە اۋرۋ دارەجەسى ۋىتتانۋ سيندرومىنا، دەمنىڭ جەتپەۋ دەڭگەيىنە بايلانىستى ايقىندالادى. ول ۆيرۋس ءار ادامنىڭ بويىندا ءارتۇرلى دەڭگەيدە ءورشيدى»، - دەدى ول.

ەسكە سالا كەتسەك بۇعان دەيىن تاتيانا تسەچويەۆا كوروناۆيرۋس پەن تۇماۋدىڭ ايىرماشىلىعى نەدە ەكەنىن ءتۇسىندىرىپ بەرگەن بولاتىن.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات