زاڭگەر ايمان وماروۆا اقتوبەلىكتەرمەن كەزدەستى

None
None
اقتوبە. قازاقپارات – ق ر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى، «حالىق ءۇنى» جوباسىنىڭ اۆتورى، زاڭگەر ايمان وماروۆا اقتوبەلىكتەرمەن كەزدەستى، دەپ حابارلايدى قازاقپارات ءتىلشىسى.

قازاقستان حالقى اسسامبلەياسى عيماراتىندا حالىقپەن بايلانىس ورناتىپ، كەدەرگىسىز قارىم- قاتىناس جاساۋ ماقساتىندا جيىن ءوتتى. ەركىن فورماتتاعى باسقوسۋعا بەلسەندىلەر جانە مەملەكەتتىك ورگان وكىلدەرى قاتىستى.

«مەملەكەتتىك ورگاندار تەك وزدەرى ەمەس، قوعاممەن جۇمىس ىستەپ ءجۇر. ەڭ باستىسى وسى. قور حالىققا اسا قاجەتتى باعىتتاردى قامتيدى. ولاردىڭ اراسىندا ءبىلىم، سپورت، جاستاردى قولداۋ، ءتىل مەن مادەنيەت سالاسى بار. ياعني، وسى باعىتتاعى جۇمىستى جەتىلدىرۋ تۋرالى ۇسىنىس تۇسكەندە بىردەن قولداۋعا شەشىم قابىلداندى. «حالىق ءۇنى» جوباسى اسا قاجەت باستاما ەكەنى راس. كوپ ادامعا كومەك بەرىلەدى دەپ ەسەپتەيمىز»، - دەدى «التىن قىران» قوعامدىق قورىنىڭ اتقارۋشى ديرەكتورى ماقسۇتبەك ايماعامبەتوۆ.


«حالىق ءۇنى» جوباسى - قاراپايىم ادامداردىڭ مۇڭ- مۇقتاجىن تىڭداپ، اتقارۋشى ورگانعا جەتكىزەتىن، كەدەرگىنى بىرگە ەڭسەرەتىن باستاما.

«كوبىنە الەۋمەتتىك، قۇقىقتىق سۇراقتارعا باسىمدىق بەرىلەدى. جوبا مەملەكەت باسشىسى قاسىم- جومارت توقايەۆقا ۇسىنىلىپ، اقپاراتتىق جانە قوعامدىق دامۋ مينيسترلىگى، ق ر سىبايلاس جەمقورلىققا قارسى ءىس- قيمىل اگەنتتىگى، «التىن قىران» جانە «Human Rights Lawyers» قوعامدىق قورلارى سەرىكتەس بولدى. العاشقى ساپار شىعىس قازاقستان وبلىسىنا باعىتتالدى. ۇلگى بار. بيىل بىرنەشە اۋدان قامتىلسا، كەلەر جىلى ناقتى جوسپار جاسالادى. ءبىز ءبارى بىردەن شەشىمىن تابادى دەپ ايتا المايمىز. ءبىراق «حالىق ۇنىنە قۇلاق اساتىن مەملەكەت» قۇرا الامىز»، - دەدى زاڭگەر ايمان وماروۆا.


ونىڭ ايتۋىنشا، مەملەكەتتىك ورگاندار اشىق بولسا، حالىقپەن بايلانىس ورناتۋ وڭاي. «كەشە عانا قىزىلوردا وبلىسىندا بولدىم. وندا مۇمكىندىگى شەكتەۋلى ادامدارعا قاجەتتى قۇرال- جابدىق ساپاسىز جەتكىزىلەدى. مۇندا تەحنيكالاردىڭ قۇجاتى قولدان جاسالىپ، جالعان سەرتيفيكاتتار قولدانادى. باقىلاۋدى كىم جۇرگىزەتىنىن بىلگىم كەلەدى»، - دەدى الماتىلىق تۇرعىن اناتوليي ميگاي.

زاڭگەر ايمان وماروۆا بۇل سۇراقتى جۇيەلى شەشۋ ءۇشىن مۇمكىندىگى شەكتەۋلى ازاماتتاردىڭ باسىن بىرىكتىرىپ، سىبايلاس جەمقورلىققا قارسى ءىس- قيمىل اگەنتتىگىنە ارىز جازۋ كەرەكتىگىن ءتۇسىندىردى. ال مۇگەدەك بالا تاربيەلەپ وتىرعان زينايدا سيباگۋلين تۇرعىن ءۇي ماسەلەسىن شەشىپ بەرۋدى سۇرادى.

«شاعىم ءتۇسىپ، ءبىز قارادىق. ول پاتەر كەزەگىندە تۇر. ۇيگە قولى جەتكەنشە ۋاقىتشا باسپانا بەرىلدى. پاتەردىڭ بۇرىنعى يەسىنىڭ كوممۋنالدىق قارىزى بولعان سوڭ ءبىز وزگە ءۇيدى ۇسىندىق. جاڭا اۋداندا ءبارى بار. بيىل ەكى مەكتەپ سالىنىپ جاتىر»، - قالا اكىمىنىڭ ورىنباسارى قۋاندىق قاسىموۆ.

كەيىن جيىنعا سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ پەن وبلىس اكىمى وڭداسىن ورازالين جيىنعا قاتىستى.

«حالىق پەن بيلىك اراسىندا ديالوگ بولماسا، كەز كەلگەن سالانىڭ دامۋى قيىن. ەكى اراعا كوپىر بولعان بۇل جوبانىڭ ماڭىزى زور. بىرگە ۇلكەن ءىس تىندىرامىز. اقتوبەدە ەكى كۇندىك ىسساپارمەن كەلدىم. كوپ ءىس اتقارىلعان. مەملەكەتتىك ورگاندار اشىق، قولجەتىمدى»، - دەدى اليك شپەكبايەۆ.

اۆتور: التىناي ساعىندىقوۆا

سوڭعى جاڭالىقتار