دانيال احمەتوۆ شىعىس قازاقستاننىڭ «قىزىل ايماقتان» قاراشا سوڭىنا دەيىن شىعاتىنىنا سەنىمدى
ونىڭ ايتۋىنشا، قازىرگى كەزدە پرەزيدەنت تاپسىرماسىن جۇزەگە اسىرۋ بويىنشا قاجەتتى شارالار اتقارىلىپ جاتىر. سوندىقتان بۇل باعىتتاعى جۇمىستار تاۋلىك بويى جۇرگىزىلۋدە. قاداعالاۋ ماقساتىندا كۇنىنە بىرنەشە مارتە شتاب جيىنى ۇيىمداستىرىلىپ وتىر. اكىمنىڭ سوزىنە قاراعاندا، قازىرگى كەزدە وڭىردە اۋرۋحانا ورىندارىن پايدالانۋ دەڭگەيى 17 پايىز شاماسىندا.
باسپاءسوز ءماسليحاتىندا وبلىس اكىمىنە ەكى اپتا ىشىندە كوروناۆيرۋس بويىنشا احۋالدى تۇراقتاندىرۋ تۋرالى بەرىلگەن تاپسىرما جونىندە سۇراق قويىلدى.
«بۇل تۇرعىدا قويىلعان ماقسات ورىندالاتىنىنا سەنىمدىمىن. ءبىز تاۋلىك بويى جۇمىس ىستەپ جاتىرمىز. وسى ورايدا كەلتىرىلگەن دەرەكتەر ءبىزدىڭ دارىگەرلەر ءىس- قيمىلىنىڭ ناتيجەلەرىنە جانە اۋدان اكىمدىكتەرى تاراپىنان اتقارىلىپ جاتقان جۇمىستارعا سۇيەنە وتىرىپ ءمالىم بولدى»، - دەدى د. احمەتوۆ.
ەسكە سالا كەتەيىك، قاراشا ايىنىڭ باسىندا شىعىس قازاقستان وبلىسى كوروناۆيرۋستىڭ تارالۋ قارقىنى بويىنشا «قىزىل ايماققا» كىردى. وسى ورايدا ۆەدومستۆوارالىق كوميسسيانىڭ وتىرىسىندا مەملەكەت باسشىسىنىڭ تاپسىرماسى اياسىندا COVID-19 تارالۋىنا جول بەرمەۋ جونىندە ءبىرقاتار شەشىم قابىلدادى. شىعىس قازاقستان، سولتۇستىك قازاقستان وبلىستارىنىڭ اكىمدىكتەرىنە ون كۇندىك مەرزىمدە «قىزىل ايماقتان» شىعۋ ءۇشىن تۇبەگەيلى شارالار قابىلداۋ تاپسىرىلدى.
اۆتور: رۋسلان عابباسوۆ