نۇر- سۇلتاندا ۆاگون ورتەندى

نۇر- سۇلتان. قازاقپارات - ەلوردالىق ءورت سوندىرۋشىلەر ۆاگونداعى ءورتتى ءسوندىردى، دەپ حابارلايدى قازاقپارات.

19 - قاراشادا تاڭعى ساعات 03.11 كەزىندە نۇر- سۇلتان قالاسى كەمەڭگەر ۇلى، 9/8 مەكەنجايىندا ورنالاسقان پويىز جانىپ جاتقانى تۋرالى حابارلاما كەلىپ ءتۇستى. بۇل تۋرالى توتەنشە جاعدايلار مينيسترلىگىنىڭ رەسمي وكىلى تالعات ءۋالي حابارلادى.

قۇرامىندا 15 ادام جانە 3 تەحنيكاسى بار ەلوردالىق ءورت سوندىرۋشىلەر وقيعا ورنىنا جەدەل جەتكەن. № 50 تەمىرجولدا تۇرعان رەزەرۆتىك ۆاگونداعى ءورت 50 شارشى مەتردى شارپىعان. جالىننىڭ اسەرىنەن كورشى جولداعى ۆاگون اربالارىن ورنالاستىرۋعا ارنالعان پلاتفورمادا تۇرعان شىنجىر تاباندى تراكتوردىڭ كابيناسى دا جانىپ كەتكەن. ءورت تاڭعى ساعات 04:22-دە اۋىزدىقتالىپ، ءسوندىرىلدى. قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر.