قاسىم-جومارت توقايەۆ: ءبىز ءار بالانىڭ ۇنىنە قۇلاق اسۋىمىز قاجەت

نۇر-سۇلتان. قازاقپارات - قاسىم-جومارت توقايەۆ بۇگىن دۇنيەجۇزىلىك بالالار كۇنى ەكەنىن ەسكە سالدى.

بۇل تۋرالى ق ر پرەزيدەنتى ءوزىنىڭ Twitter- دەگى پاراقشاسىندا جازدى.

«بۇگىن بۇكىل الەم بالالار كۇنىن اتاپ وتەدى. بالالاردىڭ قۇقىعىن، دەنساۋلىعىن ساقتاۋ، جاس ۇرپاققا ءبىلىم بەرىپ، دامىتۋ - ءبىزدىڭ باستى ماقساتىمىز. ءبىز قازاقستانداعى بارلىق بالالاردىڭ باقىتتى بولاشاعىن قامتاماسىز ەتۋىمىز كەرەك. ءبىز ءار بالانىڭ ۇنىنە قۇلاق اسۋىمىز قاجەت»، - دەپ جازدى مەملەكەت باسشىسى.

ايتا كەتەيىك، بۇگىن دۇنيەجۇزىلىك بالالار كۇنى. 1954 -جىلى ب ۇ ۇ-نىڭ باس اسسامبلەياسى «دۇنيەجۇزىلىك بالالار كۇنىن» بارلىق ەلدەردە مەرەكەلەۋدى ۇسىندى. 1959 -جىلى وسى كۇنى بالالار قۇقىعى دەكلاراتسياسى، ال 1989 -جىلى بالالار قۇقىعى كونۆەنسياسى قابىلداندى.