شىعىس قازاقستان وبلىسىنىڭ اكىمى وقۋشىلاردىڭ كوروناۆيرۋس جۇقتىرۋ جاعدايلارىنا تۇسىنىك بەردى

نۇر-سۇلتان. قازاقپارات - شىعىس قازاقستان وبلىسىنىڭ اكىمى دانيال احمەتوۆ وڭىردەگى مەكتەپ وقۋشىلارى كوروناۆيرۋستى كوبىنە ءۇي جاعدايىندا جۇقتىرعانىن ايتتى، دەپ حابارلايدى قازاقپارات ءتىلشىسى.

«وڭىردە كوروناۆيرۋس ينفەكسياسىنىڭ تارالۋىنا بايلانىستى كۇردەلى جاعداي ساقتالىپ وتىر. COVID-19 العاشقى وقيعاسى تىركەلگەن ساتتەن باستاپ، 14402 جۇقتىرۋ جاعدايى تىركەلدى. وبلىس اۋرۋحانالارىندا بۇگىن 659 ادام جاتىر. اپتاسىنا ورتاشا ءوسۋ قارقىنى 1,7 پايىزدى قۇرايدى»، - دەدى اكىم بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سونىمەن قاتار ول وقۋشىلاردىڭ ىندەتكە شالدىعۋ جاعدايىنا قاتىستى توقتالدى.

«وكىنىشكە قاراي، وقۋ باستالعاننان بەرى وبلىستا وقۋشىلار اراسىندا كوروناۆيرۋستىڭ 410 وقيعاسى تىركەلدى. ونىڭ ىشىندە 291 وقۋشى قاشىقتان، 119 وقۋشى 93 مەكتەپتە شتاتتىق رەجيمدە وقىدى. ىندەت تابىلعاننان كەيىن بارلىق مەكتەپتەر جابىلىپ، وقۋشىلار قاشىقتان وقىتۋعا اۋىستىرىلدى. ۆيرۋس كوبىنەسە ءۇي جاعدايىندا جۇققان. بۇگىنگى تاڭدا وبلىس اۋرۋحانالارىندا وقۋشىلار جوق»، - دەدى دانيال احمەتوۆ.

ونىڭ ايتۋىنشا، تولىق مەديتسينالىق جابدىقتالعان 6,2 مىڭ توسەك-ورىن دايىندالدى. ينفەكسيالىق بولىمدەردەگى ەمدەلۋشىلەر وكسيگەنوتەراپيامەن ءجۇز پروتسەنت قامتىلعان.

اۆتور: رۋسلان عابباسوۆ