قازاق تىلىنە دۋبلياجدالعان «مۋلان» مۋلتفيلمىنىڭ پرەمەراسى وتەدى
«مۋلان» - قازاق تىلىنە دۋبلياجدالعان جانە وتاندىق كينوپروكاتقا مەملەكەتتىك تىلدە شىعاتىن 35- فيلم. فيلمدەگى رولدەردىڭ ءبىرىن قازاقستاندىق كاسكادەر، «Nomad Stunts» كاسكادەرلەر توبىنىڭ جەتەكشىسى جايداربەك كۇنعوجينوۆ سومدادى. 1998 -جىلعى مۋلتفيلمنىڭ رەمەيكى الەمدىك پروكاتقا شىقتى. ونلاين- كينوتەاترلاردا قازاق تىلىندەگى فيلم ەرتەرەك شىعادى دەپ جوسپارلانۋدا.
گولليۆۋد كينوستۋديالارىنىڭ وتباسىمەن قاراۋعا ارنالعان فيلمدەرىن مەملەكەتتىك تىلگە «بولاشاق» كورپوراتيۆتىك قورى مەن «مەلومان» كومپانياسى دۋبلياجدايدى. قازاق تىلىندەگى ترەيلەردى Youtube ارناسىنان كورۋگە بولادى.
«Disney كينوستۋدياسىمەن ىنتىماقتاستىعىمىزدى 2011 -جىلى باستادىق. وسى جىلدار ىشىندە Disney، Sony Pictures، Marvel، Lucas Films، Bazelevs جانە وزگە دە ستۋديالاردىڭ 35 فيلمىنە دۋبلياج جاسادىق. جوبانىڭ ارقاسىندا قازاق ءتىلى Disney ستۋدياسىنىڭ 39- ءتىلى جانە Sony Pictures ستۋدياسىنىڭ 7- ءتىلى بولدى. دۋبلياج سالاسىنىڭ 203 مامانى بىلىكتىلىگىن ارتتىردى»، - دەپ اتاپ ءوتتى «بولاشاق» كورپوراتيۆتىك قورى قامقورشىلار كەڭەسىنىڭ ءتورايىمى دينارا ءشايجۇنىسوۆا.