مۇندا سۇلۋ باياننىڭ جۇرەگى جارالاندى. سابىندىكول جايلى ادەمى اڭىز

نۇر-سۇلتان. قازاقپارات - قازاقستاندىقتار بيىل دەمالۋ ءۇشىن تۋعان جەر تابيعاتىن تاڭداۋدا.

Aviata.kz سەرۆيسى بىرگە باياناۋىل ۇلتتىق ساياباعىنداعى ەرەكشە سۋ قويماسى، ايماقتاعى ەڭ ۇلكەن كول تۋرالى اڭگىمەلەيدى.

باياناۋىل مەملەكەتتىك ۇلتتىق تابيعي ساياباعى (نەمەسە قىسقاشا باياناۋىل) - بۇل قازاقستانداعى العاشقى ۇلتتىق ساياباق. ول 1985 -جىلى اشىلدى. ساياباقتىڭ اۋماعىندا تۇشى سۋى بار ءتورت تەرەڭ كول بار - سابىندىكول، جاسىباي، تورايعىر جانە بىرجانكول.

سابىندىكول باياناۋىلداعى ەڭ ۇلكەن سۋ قويماسى بولىپ سانالادى، ونىڭ اتاۋى شىنىمەن دە، «سابىندى كول» دەگەندى بىلدىرەدى. سۋ قويماسىنىڭ كولەمى جەتى شاقىرىم قاشىقتىقتى قۇرايدى، كول جەرگىلىكتى تۇرعىندار مەن تۋريستەر اراسىندا تانىمال دەمالىس ورنى بولىپ تابىلادى.

سابىندىكولدىڭ سۋىنىڭ ەرەكشەلىگىنە بايلانىستى قۇرىلعان ادەمى اڭىز بار. اڭىزدا بايان سۇلۋ مەن قوزىنىڭ ماحابباتى جايلى ايتىلادى.

اڭىز بويىنشا، قوزى باقتالاسى قودارمەن ايقاستا تراگەديالىق قازاعا ۇشىرايدى. بايان قاي جەڭگەنىنە تۇرمىسقا شىعۋعا بەل بايلايدى. ءبىراق ءبىر عانا شارت - جەڭگەن ادام تەرەڭ قۇدىق قازۋى كەرەك، قودار قۇدىق قازۋعا كىرىسەدى.

جۇمىس بارىسىندا ونى تەك باياننىڭ ۇزىن بۇرىمى ۇستاپ تۇرعان ەكەن. كەنەت قىز شاشىن كەسىپ جىبەرەدى دە، قودار قۇدىقتان شىعا الماي، مەرت بولادى. وسىلايشا قىز سۇيمەگەن جىگىتكە تۇرمىسقا شىعۋدان قۇتىلادى.

اڭىز بويىنشا، ارۋ قىز سابىندىكولدە شاشىن جۋىپ، ابايسىزدا سۋعا سابىنىن ءتۇىسىرىپ العان ەكەن، سابىن كولدىڭ سۋىن جۇمسارتىپ، جاعاسىنا اق كوبىك پايدا بولىپتى. سول اۋماقتى قورشاعان اسقاق تاۋلار دا اڭىز بويىنشا سۇلۋ باياننىڭ ەسىمىمەن بايانتاۋ دەپ اتالعان ەكەن. ال قىزدىڭ تاراعىن ءتۇسىرىپ العان جەرىندە تاراق اتتى تاۋ پايدا بولعان ەكەن.

زەرتتەۋشى- عالىمدار كولدىڭ ەرەكشە قاسيەتىن بىلاي تۇسىندىرەدى: كول سۋى ەرەكشە گيدروكاربوناتتى- ناتري قۇرامدى بولىپ كەلگەندىكتەن، سۋى جۇمساق، ءارى كوبىكتى بولادى.

تۋريستەر سابىندىكولگە ۇمىتىلماس اسەر الىپ، تابيعاتپەن ەتەنە جاقىنداسىپ، سەرگۋ ءۇشىن كەلەدى. دەمالىس ورنىندا نەمەسە قوناقۇيدە تۇنەۋگە، باياناۋىلدان ءۇي جالعا الۋعا دا بولادى.

قىزىقتى دەرەك

سابىندىكول نياز بەن اقپەت تاۋلارىنىڭ اراسىندا ورنالاسقان. كول المۇرت ءتارىزدى، جاعالاۋ سىزىعى دا ورامالى بولىپ كەلەدى. وڭتۇستىك- شىعىس جانە سولتۇستىك جاعالاۋى تىك جانە جارتاستى، ولاردىڭ بيىكتىگى ون مەترگە دەيىن جەتەدى. شىعىس جاعالاۋى قۇمدى. سۋ قويماسىنىڭ ورتاشا تەرەڭدىگى شامامەن التى مەتر.

بۇل جەردە بالىق اۋلاۋ سيرەك، كولدە بالىق از، ءبىراق تاباندى بالىقشىلار شورتان، قايىڭ نەمەسە الابۇعا اۋلاي الادى. وندا دەمالۋشىلارعا بالىقتان كوكتال ۇسىنىلادى. وسى سۋ قويماسىنىڭ سۋلارىندا شاياندار دا كەزدەسەدى، بۇل دەمالىس ورنىنىڭ تازالىعىن مەڭزەيدى.

كولدە دەمالۋعا قاجەتتىنىڭ ءبارى بار، شومىلۋعا ارنالعان جاعاجايلار، جاعادا بىرنەشە دەمالىس ورىندارى مەن ءدامحانالار، بالالار وينايتىن الاڭدار ورنالاسقان. بۇل جەردىڭ تاعى ءبىر ەرەكشەلىگى - كليماتى، جاز ايلارىندا باياناۋىلدا وتە اشىق، جىلى بولادى. جۇمساق كليمات پەن اسەم تابيعات تۋريستەردىڭ ەسىنەن كوپكە دەيىن كەتپەسى انىق.

باياناۋىل اۋدانى - رەسپۋبليكاداعى ەڭ كورىكتى جەرلەردىڭ ءبىرى، سوندىقتان سابىندىكول ماڭىندا بىرنەشە سەرۋەندەيتىن باعىتتار اشىلعان، ولار - اتپەن، ۆەلوسيپەدپەن جانە جاياۋ سەرۋەن.

سابىندىكولدەگى دەمالىس تۋريستەردىڭ جاسىنا، قالتاسىنا قارامايدى. تابيعي سەرۋەننەن بولەك، مۇندا جەمىس- جيدەك پەن ساڭىراۋقۇلاق تەرىپ، ورماندى ارالاۋعا بولادى. جەمىس- جيدەكتەر بۇل جەردىڭ ەرەكشە كليماتىنا قاراي وتە كوپ، سونىمەن قاتار، كول جاعاسىندا كاۋاپ جاساپ، دەمالۋعا دا بولادى.

قايدا ورنالاسقان؟

ۇلتتىق ساياباق پاۆلودار وبلىسىنىڭ وڭتۇستىگىندە (باياناۋىل اۋدانىندا)، ەكىباستۇز قالاسىنان ءجۇز شاقىرىم قاشىقتىقتا ورنالاسقان، بۇل ورتالىق قازاقستان توبەلەرىنىڭ شەتى بولىپ سانالادى.

كوروناۆيرۋس پاندەمياسى جاقىن ارادا اياقتالىپ، شەكارالار قايتادان اشىلادى دەپ ۇمىتتەنەمىز.

Aviata.kz - ۇيىڭىزدەن نەمەسە كەڭسەڭىزدەن شىقپاي- اق، الەمنىڭ كەز كەلگەن نۇكتەسىنە تەمىرجول جانە اۋە بيلەتتەرىن كەز كەلگەن باعىتتا ونلاين رەجيمىندە تابۋعا، برونداۋعا جانە ساتىپ الۋعا مۇمكىندىك بەرەتىن سەرۆيس.

Kaz.tengritravel.kz