+7 (701) 759 90 19
-6 °С : نۇر-سۇلتان
3 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

«اق جول» پارتياسى پرەزيدەنتتىك جۇيەدەن پارلامەنتتىك رەسپۋبليكاعا كوشۋدى ۇسىندى

20 قاراشا 12:30
:ءبولىسۋ
«اق جول» پارتياسى پرەزيدەنتتىك جۇيەدەن پارلامەنتتىك رەسپۋبليكاعا كوشۋدى ۇسىندى

نۇر-سۇلتان. قازاقپارات - «اق جول» دەموكراتيالىق پارتياسى پارلامەنتاريزم ينستيتۋتتارىن كۇشەيتۋدى جانە كەزەڭ- كەزەڭىمەن پرەزيدەنتتىك جۇيەدەن پارلامەنتتىك رەسپۋبليكاعا كوشۋ باستاماسىن قولدايدى، دەپ حابارلايدى قازاقپارات ءتىلشىسى.

«بيۋروكراتيا مەن قاراپايىم ازاماتتاردىڭ بيلىكتەن تىس قالۋىنا قارسى ەڭ ءتيىمدى قۇرال - مەملەكەتتىك ورگانداردىڭ اشىقتىعى مەن قوعام الدىنداعى ەسەپ بەرۋى، ياعني دەموكراتيا. دەموكراتيا پارلامەنتاريزمنىڭ نەگىزگى ينستيتۋتتارى بولىپ سانالاتىن پارلامەنت جانە جەرگىلىكتى ءماسليحاتتار ارقىلى قوعامدىق مۇددەلەردى العا جىلجىتۋ پرينتسيپىنە سۇيەنەدى. دەموكراتيا دەگەنىمىزدىڭ ءوزى - پارلامەنتاريزم. «اق جول» دەموكراتيالىق پارتياسى پارلامەنتاريزم ينستيتۋتتارىن كۇشەيتۋدى جانە كەزەڭ- كەزەڭىمەن پرەزيدەنتتىك جۇيەدەن پارلامەنتتىك رەسپۋبليكاعا كوشۋ باستاماسىن قولدايدى. قازىرگى كەزەڭ بيلىك مونوپولياسىنان مەملەكەتتىك ماسەلەلەردى شەشۋدە بالاما پىكىرلەردى ەسكەرەتىن تەپە-تەڭدىك جۇيەسىنە جوسپارلى تۇردە كوشۋ مۇمكىندىكتەرىن تۋعىزدى»، - دەدى «اق جول» دەموكراتيالىق پارتياسىنىڭ ءتوراعاسى ا. پەرۋاشەۆ پارتيا قۇرىلتايىندا.

ازات پەرۋاشەۆ قازاقستانعا ۇلتتىق سەنىم كەڭەسى عانا ەمەس، ۇلتتىق سەنىم ۇكىمەتى دە قاجەت دەپ ەسەپتەيدى.

«قازىرگى كونستيتۋتسياعا سايكەس، پرەزيدەنت بيلىكتىڭ بارلىق تارماقتارىنىڭ ءوزارا ءىس- قيمىلىنا كەپىل بولادى. بۇل پرەزيدەنت فيگۋراسىنىڭ پارلامەنت پەن ۇكىمەتتەن بىردەي قاشىقتىقتا بولۋى قاجەتتىگىن بىلدىرەدى. «اق جول» دەموكراتيالىق پارتياسى ۇكىمەت قۇرامىن مەملەكەت باسشىسى ەمەس، پارلامەنتتىك سايلاۋدا جەڭىسكە جەتكەن پارتيا بەكىتۋى ءتيىس دەپ ەسەپتەيدى، پارتيا ءتىزىمدى پرەزيدەنتكە بەكىتۋگە ۇسىنادى جانە ءوز ۇكىمەتىنىڭ بارلىق جەتىستىكتەرى مەن ساتسىزدىكتەرى ءۇشىن جاۋاپتى بولادى. دامىعان دەموكراتيالاردىڭ تاجىريبەسى وسىنداي»، - دەدى پارتيا ءتوراعاسى.

ايتا كەتەيىك، «اق جول» دەموكراتيالىق پارتياسىنىڭ XVI سايلاۋالدى قۇرىلتايىندا پارتيانىڭ سايلاۋالدى باعدارلاما جوباسى ۇسىنىلدى. پارتيا ءتوراعاسى ازات پەرۋاشەۆ باعدارلاماداعى ەڭ نەگىزگى باسىمدىق - تاۋەلسىزدىك جانە الاش ۇلتتىق يدەياسى ەكەنىن اتاپ ءوتتى. سونىمەن بىرگە، «اق جول» دەموكراتيالىق پارتياسى قازاق رەسپۋبليكاسى اتاۋىن قايتارۋدى ۇسىندى.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات