+7 (701) 759 90 19
-16 °С : نۇر-سۇلتان
-8 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

قازاق ەلىنە الاشتان ارتىق يدەيا جوق - «اق جول» پارتياسىنىڭ سايلاۋالدى باعدارلاماسى

20 قاراشا 12:12
:ءبولىسۋ
قازاق ەلىنە الاشتان ارتىق يدەيا جوق - «اق جول» پارتياسىنىڭ سايلاۋالدى باعدارلاماسى

نۇر-سۇلتان. قازاقپارات - «اق جول» دەموكراتيالىق پارتياسىنىڭ XVI سايلاۋالدى قۇرىلتايىندا پارتيانىڭ سايلاۋالدى باعدارلاما جوباسى ۇسىنىلدى، دەپ حابارلايدى قازاقپارات ءتىلشىسى.

«اق جول» دەموكراتيالىق پارتياسىنىڭ ءتوراعاسى ازات پەرۋاشەۆ باعدارلاماداعى ەڭ نەگىزگى باسىمدىق - تاۋەلسىزدىك جانە الاش ۇلتتىق يدەياسى ەكەنىن باسا ايتتى.

«سوڭعى كەزدەگى ءبىرقاتار وقيعا تىزبەگى بىلتىر ق ر تۇڭعىش پرەزيدەنتىنىڭ مەملەكەت بيلىگىن وركەنيەتتى تۇردە جاڭا باسشىعا تاپسىرۋى دەر كەزىندە بولعانىن ۋاقىتتىڭ ءوزى دالەلدەپ وتىر. نۇرسۇلتان نازاربايەۆتىڭ پرەزيدەنتتىك جۇيەسى ەل تاۋەلسىزدىگىنىڭ باستاۋىندا، مەملەكەتتىك ينستيتۋتتاردىڭ قالىپتاسۋىندا، تۇبەگەيلى نارىقتىق جانە قوعامدىق رەفورمالاردى جۇرگىزۋدە جانە باسقا ەلدەرمەن قارىم-قاتىناس ورناتۋدا تاريحي ميسسياسىن ورىندادى. كەلەسى كەزەڭدە قازاقستان قالىپتاسقان مەملەكەت رەتىندە اياق باستى. ال ەندىگى ماسەلەلەردى شەشۋ ءۇشىن جاڭا تاسىلدەر كەرەك. مەملەكەت باسقارۋ ىسىنە قوعام جان-جاقتى ارالاسىپ، ونى باقىلاۋى كەرەك. ەلىمىزگە الەۋمەتتىك-ەكونوميكالىق سالادا، ساياسي جۇيەگە دە تۇبەگەيلى وزگەرىستەر قاجەت.

«اتالعان وزگەرىستەردى تىم سوزا بەرۋدىڭ قاۋىپتىلىگى سوندا، بۇل ۋكراينا، بەلارۋس پەن قىرعىز ەلىندەي مەملەكەتتىك داعدارىسقا اكەپ سوعۋى مۇمكىن. ال تاۋەلسىزدىكتىڭ ەڭ باستى كەپىلى - قارۋ ەمەس، ءوز مەملەكەتىن سىيلايتىن، باعالايتىن ازاماتتىق قوعام بولۋى كەرەك. سوندىقتان، قازىرگى بيلىك مودەلىنە ءبىر عانا بالاما بار. ول - تەرەڭ الەۋمەتتىك- ەكونوميكالىق جانە ساياسي رەفورمالاردى قابىلداپ، جۇزەگە اسىرۋ قاجەت.

«اق جول» دەموكراتيالىق پارتياسى جاڭا جانە ءادىل قازاقستانعا اپاراتىن وزگەرىستەر باعدارلاماسىن ۇسىنادى. سول باعدارلاماداعى باستى باسىمدىعىمىز - تاۋەلسىزدىك جانە الاش ۇلتتىق يدەياسى. ەلىمىزدىڭ تاۋەلسىزدىگى مەن ۇلتتىق مۇددەلەر - مەملەكەتتىڭ نەگىزگى باسىمدىقتارى. ⅩⅩ عاسىرداعى «الاش» ۇلتتىق اۆتونومياسىنىڭ كوشباسشىسى ءاليحان بوكەيحان «مەملەكەتتىگى جوق حالىق - جەتىم» دەدى. ال ق ر تۇڭعىش پرەزيدەنتى نۇرسۇلتان نازاربايەۆ «تاۋەلسىزدىك ءۇشىن قۇرباندىققا اياناتىن ەشتەڭە جوق» دەدى. قازاقستان رەسپۋبليكاسىنىڭ تاۋەلسىزدىگىن قامتاماسىز ەتۋ جانە ونىڭ ۇلتتىق مۇددەلەرىن قورعاۋ - ءوزىن رەسپۋبليكا ازاماتى سانايتىن كەز كەلگەن ادامنىڭ پارىزى. تاۋەلسىزدىك - ءبىزدىڭ ەلىمىز، جەرىمىز، ءتىلىمىز بەن ءدىلىمىز. تاۋەلسىزدىك - ءبىزدىڭ ءوز جولىمىزدى تاڭداۋ مۇمكىندىگىمىز، كەلەشەك ۇرپاقتىڭ بولاشاعى ءۇشىن ءبىزدىڭ جاۋاپكەرشىلىگىمىز»، - دەيدى ا. پەرۋاشەۆ.

تاۋەلسىزدىك پەن ەلىمىزدىڭ تۇتاستىعى - ءاربىر ادامنىڭ ءومىرى، قۇقىعى جانە بوستاندىعىمەن قاتار تۇراتىن باستى قۇندىلىق.

«تاۋەلسىزدىك باستاۋىندا قازاق حالقىنىڭ ەركىندىگى مەن ەلدىگىنىڭ تاريحي مۇراتى رەتىندەگى الاش ۇلتتىق يدەياسى جاتىر. قازاق ەلىنە الاشتان ارتىق يدەيا جوق. «اقجول» دەموكراتيالىق پارتياسى مەملەكەتتىك ءتىلدىڭ قولدانۋ اياسىن كەڭەيتۋدى قولدايدى. قازاق ءتىلى ەكونوميكا مەن قارجى سالاسىندا، مەملەكەتتىك باسقارۋ مەن شەتەلدىك ينۆەستورلار جۇمىسىنا مەملەكەتتىك دەڭگەيگە ساي ەنگىزۋىمىز كەرەك»، - دەدى ازات پەرۋاشەۆ.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات