اقتوبە وبلىسىنىڭ اكىمى شوشقا فەرماسىنا قاتىستى پىكىر ءبىلدىردى
«بەستاماقتا بولعان جاعدايعا بايلانىستى بارلىق قۇزىرلى مەكەمەگە ءتيىستى تاپسىرما بەردىم. قازىر وسىعان قاتىستى ارنايى كوميسسيا قۇرىلدى. ولار جاعدايدى ءجىتى تەكسەرەتىن بولادى. سونداي- اق، وسى سالاعا جاۋاپتى ورىنباسارىم مەن ەكولوگ ماماندار بريفينگ بەردى. كوميسسيا تەكسەرىستى اياقتاعان سوڭ، بارلىعىن اشىق باياندايتىن بولادى. ارانداتۋشىلىققا جول بەرمەيمىز. ءبىزدىڭ باستى جەتىستىگىمىز - بەرەكە مەن بىرلىك، تىنىشتىق. اۋىزبىرشىلىك تانىتايىق، ابدەن ءىستىڭ بايىبىنا بارىپ، سابىر ساقتاپ، قۇزىرلى ورگانداردىڭ تەكسەرۋ ناتيجەسىن كۇتەيىك»، - دەپ جازدى وبلىس اكىمى وڭداسىن ورازالين.
ەسكە سالساق، اقتوبە وبلىسى العا اۋدانىنىڭ تۇرعىندارى شوشقا فەرماسىنداعى ءبىراز كەمشىلىكتى اتادى. ولار ىشەك-قارىندى جويۋ، ولەكسەنى زالالسىزداندىرۋ جۇمىسى جۇرگىزىلمەيتىنىن، كومۋ كەزىندە ءبىراز تالاپتىڭ ساقتالمايتىنىن ايتتى. قازىر مۇندا شوشقا سويۋ جۇمىسى توقتاپ تۇر. ەكولوگتار دا كەمشىلىكتىڭ تىركەلگەنىن راستادى.
اۆتور: التىناي ساعىندىقوۆا