+7 (701) 759 90 19
-16 °С : نۇر-سۇلتان
-8 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

قازاق رەسپۋبليكاسىنىڭ اتاۋىن قايتارۋ كەرەك - ازات پەرۋاشەۆ

20 قاراشا 11:41
:ءبولىسۋ
قازاق رەسپۋبليكاسىنىڭ اتاۋىن قايتارۋ كەرەك - ازات پەرۋاشەۆ

نۇر-سۇلتان. قازاقپارات - «اق جول» دەموكراتيالىق پارتياسى قازاق رەسپۋبليكاسى اتاۋىن قايتارۋدى ۇسىندى، دەپ حابارلايدى قازاقپارات ءتىلشىسى.

«بيىل الاش اۆتونومياسىنان باستاۋ الاتىن جانە قازىرگى قازاقستاننىڭ نەگىزىن قالاعان قازاق رەسپۋبليكاسىنا 100 جىل تولدى. الدىمەن قاتەلەسىپ قىرعىز اۆتونوميالىق رەسپۋبليكاسى دەپ اتالىپ، بەس جىلدان كەيىن سۇلتانبەك قوجان ۇلى، ساكەن سەيفۋللين، جالاۋ مىڭباي ۇلى جانە باسقا دا تۇلعالاردىڭ ارقاسىندا رەسپۋبليكامىزعا ۇلتىمىزدىڭ ءتول اتاۋى قايتارىلدى. وتكەن جىلى «اقجول» دەموكراتيالىق پارتياسى ۇكىمەتكە بۇل تاريحي داتانى رەسمي تۇردە اتاپ ءوتۋدى جانە قازاقستان اتىمەن قاتار توتاليتارلىق كەڭەس بيلىگىنىڭ ءوزى مويىنداعان قازاق رەسپۋبليكاسى اتاۋىن قولدانۋ تۋرالى ماسەلەنى كوتەردى. بۇل باستامانى ش. ءۋاليحانوۆ اتىنداعى تاريح ينستيتۋتى قولدادى. ءبىراق ءبىزدىڭ شەنەۋنىكتەر ءۇنسىز قالدى. سوندا دا ءبىز تاريحي بىرلىگىمىزدى بىلدىرەتىن قازاق رەسپۋبليكاسى مەملەكەتتىك اتاۋىن قايتارۋدى ءجون دەپ سانايمىز»، - دەدى «اق جول» دەموكراتيالىق پارتياسىنىڭ ءتوراعاسى ا. پەرۋاشەۆ پارتيا قۇرىلتايىندا.

بيىل مامىر ايىندا «اقجول» دەموكراتيالىق پارتياسى پرەزيدەنت ق. توقايەۆتىڭ ستاليندىك قۋعىن- سۇرگىن قۇرباندارىن اقتاۋ شارالارىن جالعاستىرۋ تۋرالى تاپسىرماسىنا قولداۋ ءبىلدىردى.

«ءبىز كەڭەستىك- توتاليتارلىق بيلىكتىڭ قازاق حالقىنا ادەيى جاساعان اشارشىلىقتى حالىقارالىق دەڭگەيدە زۇلمات دەپ تانۋعا شاقىردىق. بولشەۆيكتەر اسكەرىنىڭ ۇجىمداستىرۋ كەزىندەگى جۇزدەگەن قازاق كوتەرىلىسىن جانشىپ- باسۋىن، ءوز اۋىلدارىن قۇتقارامىن دەپ باسىن ولىمگە تىككەن باتىرلاردىڭ ەرلىك ىستەرىن قايتا قاراۋ كەرەك دەپ سانايمىز. تاريحي ادىلدىكتى قالپىنا كەلتىرۋ ءۇشىن ءبىز دەكوممۋنيزاتسيا ساياساتىن پارتيامىزدىڭ رەسمي باعىتتارىنىڭ ءبىرى دەپ جاريالادىق»، - دەيدى ا. پەرۋاشەۆ.

ايتا كەتەيىك، «اق جول» دەموكراتيالىق پارتياسىنىڭ XVI سايلاۋالدى قۇرىلتايىندا پارتيانىڭ سايلاۋالدى باعدارلاما جوباسى ۇسىنىلدى. پارتيا ءتوراعاسى ازات پەرۋاشەۆ باعدارلاماداعى ەڭ نەگىزگى باسىمدىق - تاۋەلسىزدىك جانە الاش ۇلتتىق يدەياسى ەكەنىن اتاپ ءوتتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات