الماتى ەڭ ارزان قالالاردىڭ بەستىگىنە ەندى
يندەكسى 100 گە تەڭ نيۋ-يورك قالاسىنداعى نارىق ەتالون ەسەبىندە قابىلدانعان. اتالمىش تىزىمدە گونكونگ، تسيۋريح جانە پاريج ەڭ قىمبات قالالار كوشىن باستادى.
الەمدەگى ەڭ قىمبات 10 قالا
«كوروناۆيرۋس پاندەمياسى ا ق ش دوللارىن السىرەتتى، ال ەۋرو مەن ازيا ۆاليۋتالارى كۇشەيدى. بۇل فاكتور تاۋارلار مەن قىزمەتتەردىڭ باعاسىنا اسەر ەتتى»، - دەيدى EIU وكىلى ۋپاسانا داتت.
ەڭ قىمبات 5 قالا:
1. تسيۋريح، پاريج، گونكونگ؛
2. سينگاپۋر؛
3. تەل-اۆيۆ؛
4 جەنيەۆا جانە نيۋ-يورك؛
5. كوپەنگاگەن جانە لوس-اندجەلەس.
بۇعان دەيىن ءار جىلى سينگاپۋر اتالمىش تىزىمدە ءبىرىنشى ورىندى يەلەنەتىن. بيىل، سينگاپۋردا باعانىڭ تومەندەۋى شەتەلدىك جۇمىسشىلاردىڭ ەلدەن كەتۋىمەن بايلانىستى بولعان.
جاڭا رەيتينگىدە الماتى ەڭ ارزان 5 قالانىڭ تىزىمىنە ەنىپ، 33 يندەكسپەن 129- ورىننان كورىنگەن.
سونداي-اق ەڭ ارزان قالالاردىڭ قاتارىندا داماسك (سيريا)، لۋساكا (زامبيا)، كاراكاس (ۆەنەسۋەلا) جانە تاشكەنت (وزبەكستان) بار.
EIU ساراپشىلارى بۇل ءتىزىمدى قۇرۋ كەزىندە ازىق-تۇلىك پەن كيىم-كەشەكتەن باستاپ تۇرعىن ءۇيدى جالعا الۋعا جانە جەكە مەكتەپتەردەگى بالالاردى وقىتۋعا دەيىنگى تاۋارلار مەن قىزمەتتەردىڭ 138 ءتۇرىنىڭ قۇنىن ەسكەرگەن.
massaget.kz