شىمكەنتتىك قىز ازيانىڭ ۇزدىك مودەلى اتاعىنان ءۇمىتتى

None
None
نۇر -سۇلتان. قازاقپارات - شىمكەنتتىك ياسمين نارقۇلوۆا بيىل ونلاين وتەتىن Asia Model Festival مودەلدەرى اراسىنداعى جىل سايىنعى بايقاۋعا قاتىسادى.

باستاپقىدا قازاقستانداعى كاستينگكە ەلىمىزدىڭ بارلىق اگەنتتىگىنىڭ مودەلدەرى قاتىستى. ناتيجەسىندە العاشقى ىرىكتەۋدەن 12 ادام ءوتتى. ولاردىڭ ىشىنەن ەكى قىز بەن ءبىر جىگىت ىرىكتەپ الىندى، ءبىراق ناتيجەسىندە فينالعا شىمكەنتتەگى Sulu Models اگەنتتىگىنىڭ مودەلى ءوتتى.


17 جاستاعى ستۋدەنت ياسمين نارقۇلوۆا شىمكەنتتە دۇنيەگە كەلگەن. 2019 -جىلى Face of Shymkent بايقاۋىنا قاتىسىپ، باس جۇلدەنى جەڭىپ الىپ، وڭتۇستىك كورەياعا Asian Model Festival فەستيۆالىنە جولداما العان.

«كوماندامىزبەن جانە جەتەكشىلەرىمىزبەن بىرگە وسى بايقاۋعا دايىندالىپ جاتقانىمىزعا 2 اي بولدى. ولاردىڭ ارقاسىندا مەن قازىر فينالعا شىقتىم، ولارعا شەكسىز العىس ايتامىن»، - دەيدى مودەل.


ايتا كەتەيىك، Asia Model Festival مودەلدەرى اراسىندا حالىقارالىق بايقاۋ 2006 -جىلدان بەرى وڭتۇستىك كورەيادا وتكىزىلەدى جانە ەڭ ءىرى ءارى بەدەلدى بايقاۋلاردىڭ ءبىرى بولىپ سانالادى. بايقاۋدىڭ فيناليستەرى جارنامالىق اكسيالارعا، فوتوسەسسيالارعا، بەينەتۇسىرىلىمدەرگە الەمدىك برەندتەردەن ۇسىنىستار الادى.


فەستيۆالدە مودەلدەر عانا ەمەس، ديزاينەرلەر دە ءوز برەندتەرىن ۇسىنادى.





Tengrinews.kz


سوڭعى جاڭالىقتار