جۋرناليستەردىڭ ەتيكالىق كودەكسىن جەتىلدىرۋ قاجەت - نۇرتورە ءجۇسىپ

None
None
نۇر-سۇلتان. قازاقپارات - سەنات ءتوراعاسىنىڭ ورىنباسارى اسقار شاكىروۆ پەن سەناتور نۇرتورە ءجۇسىپ پرەمەر-مينيستر اسقار ءماميننىڭ اتىنا دەپۋتاتتىق ساۋال جولدادى.

وندا جۋرناليستىك ادەپ كودەكسىن جەتىلدىرۋ ماسەلەسى كوتەرىلدى، دەپ حابارلايدى قازاقپارات ءتىلشىسى.

ساۋال جولداعان دەپۋتاتتاردىڭ سوزىنە سۇيەنسەك، زاڭ اياسىندا جاۋاپكەرشىلىك قاراستىرىلسا دا، وڭىرلىك ب ا ق- تا زورلىق- زومبىلىققا ۇشىراعان نەمەسە كەلەڭسىز ارەكەت جاساعان بالالاردىڭ سۋرەتتەرى مەن ولار تۋرالى دەرەكتەردى جاريالاۋ ماسەلەسى كەزدەسىپ جاتادى. ال جەكە ومىرگە قول سۇعۋشىلىقتىڭ سالدارى اۋىر بولۋى مۇمكىن.

«كاسىبي ەتيكانى بۇزۋعا جول بەرمەۋ ءۇشىن جۋرناليستەردىڭ ەتيكالىق كودەكسىن جەتىلدىرۋ قاجەت. وعان جۇرتشىلىق وكىلدەرىن، مۇددەلى ۋاكىلەتتى ورگانداردى، سونداي-اق، پارلامەنت دەپۋتاتتارىن جۇمىلدىرعان ورىندى بولار ەدى»، - دەپ اتاپ ءوتتى نۇرتورە ءجۇسىپ.

ايتا كەتەيىك، اتالمىش دەپۋتاتتىق ساۋالدا، سونداي-اق ادام قۇقىقتارى نەگىزىن باستاۋىش سىنىپتان باستاپ وقىتۋ كەرەكتىگى ايتىلدى.

«جىل سايىن بالالارعا قاتىستى قىلمىس سانى كوبەيىپ وتىر. باس پروكۋراتۋرانىڭ مالىمەتىنە سۇيەنسەك، بيىل ەلىمىزدە مۇنداي جاعداي 8 پايىزعا وسكەن. وعان كامەلەتكە تولماعاندارعا قاتىستى سەكسۋالدىق سيپاتتاعى فاكتىلەردى جاسىرعانى ءۇشىن قىلمىستىق جاۋاپكەرشىلىكتىڭ ەنگىزىلۋى دە سەبەپ بولدى. جالپى، 70 پايىزدان استام جاعدايدا كامەلەتكە تولماعاندارعا قاتىستى قىلمىستاردى جاقىن، تۋىس ادامدار جاسايتىنى الاڭداتادى»، - دەلىنگەن سەناتورلاردىڭ دەپۋتاتتىق ساۋالىندا.

اۆتور: رۋسلان عابباسوۆ

سوڭعى جاڭالىقتار