تالدىقورعاندا بەيسەن قۇرانبەك اتىنداعى وليمپيادا ءوتتى

تالدىقورعان. قازاقپارات - تالدىقورعاندا بەلگىلى جۋرناليست بەيسەن قۇرانبەك اتىنداعى ۇستازدار مەن وقۋشىلار اراسىندا وبلىستىق وليمپيادا ءوتتى، دەپ حابارلايدى قازاقپارات ءتىلشىسى.

ءۇش كەزەڭنەن تۇراتىن اقتىق سىنعا 16 ۇستاز، 18 وقۋشى ءوتتى.

مۇعالىمدەر بەيسەن قۇرانبەك تۋرالى ەسسە، ال وقۋشىلار ماقالا جازدى. «تالانتىمەن تانىلعان تۇلعا» اتتى كەزەڭدە بەينەروليكتەر ءتۇسىرىپ، جۋرناليست ايتىپ كەتكەن ۇلاعاتتى سوزدەرگە تالداۋ جاسادى.

«جەتىسۋ دارىنى» وبلىستىق وقۋ-ادىستەمەلىك ورتالىقتىڭ ۇيىتقىسىمەن وتكەن وليمپيادا ماقساتى نەبارى 48 جىل ءومىر سۇرگەن جۋرناليستىڭ ءومىرى مەن شىعارماشىلىعىن ناسيحاتتاۋ. بەيسەن تانۋ ءىلىمىنىڭ نەگىزىن قالاپ، بولاشاق جۋرناليستەرگە جول اشۋ.

جارىس قورتىندىسىمەن ۇستازدار اراسىندا تەكەلى قالاسى 5№ ورتا مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى جانزيلا يسايەۆا باس جۇلدەگە يە بولدى. ال وقۋشىلار اراسىندا ءبىرىنشى ورىن كەربۇلاق اۋدانى، كۇرەڭبەل ورتا مەكتەبىنىڭ 10- سىنىپ وقۋشىسى الۋا بايتىلەۋوۆا ءبىرىنشى ورىندى جەڭىپ الدى.

جەڭىمپازداردى بەيسەن قۇرانبەكتىڭ تۋعان كۇنى - 9- جەلتوقساندا باعالى سىيلىقتارمەن ماراپاتتاۋ جوسپارلانىپ وتىر.

«بۇل وليمپيادا كارانتيندىك شەكتەۋلەرگە بايلانىستى ونلاين وتكىزىپ وتىرمىز. بولاشاقتا بۇل وليمپيادانى وبلىستىق دەڭگەيدە جۇيەلى تۇردە ۇيىمداستىرامىز. سونىمەن بىرگە وڭىرلىك جانە رەسپۋبليكالىق دەڭگەيگە شىعارۋعا جوسپارلاپ وتىرمىز»، - دەيدى «جەتىسۋ دارىنى» وقۋ-ادىستەمەلىك ورتالىعىنىڭ ديرەكتورى الىشەر باشاروۆ.