شەتەلگە دەمالۋعا شىعاتىن قازاقستاندىقتاردى قورعاۋ شارالارى كۇشەيەدى
«شىعۋ تۋريزمىندە تۋريستەردى قورعاۋ دەڭگەيىن ارتتىرۋ بويىنشا شارالار كەشەنىن قابىلداۋ ۇسىنىلادى. تۋروپەراتورلار ۇيىمداستىرعان شىعۋ تۋريزمى شەڭبەرىندە قازاقستان رەسپۋبليكاسىنىڭ ازاماتتارىنا تۋريستىك كود بەرۋ تەتىگىن ەنگىزۋ، سونداي- اق كەپىلدىك بەرۋ سومالارىن جيناۋ جانە قايتارۋ ءتارتىبىن رەگلامەنت ءتارتىبىن ەنگىزۋ جوسپارلانۋدا»، - دەدى مادەنيەت جانە سپورت ءمينيسترى اقتوتى رايىمقۇلوۆا ماجىلىسمەندەر الدىندا زاڭ جوباسىن قورعاي وتىرىپ.
مينيستر سونىمەن قاتار زاڭ جوباسىنىڭ كومەگىمەن ولجالىق اڭ اۋلاۋدى دامىتۋ، فەرمەرلىك اڭشىلىق شارۋاشىلىعىنىڭ كاسىپكەرلىگىن قولداۋ شارالارى جوسپارلانعانىن ءمالىم ەتتى. «الەمدىك تاجىريبە كارى جانۋارلاردى جويۋدىڭ عىلىمي نەگىزدەلگەن ليميتى پوپۋلياتسياعا دەپرەسسيالىق اسەر ەتپەيتىنىن، ال كەي جاعدايلاردا ونىڭ ونىمدىلىگىن ارتتىراتىنىن دالەلدەدى. قازاقستاندا كوپتەگەن سيرەك كەزدەسەتىن تۇرلەر پوپۋلياتسياسىنىڭ قازىرگى جاعدايى تۇراقتالعانىن ايتا كەتۋگە بولادى»، - دەدى ول.
اۆتور: ايان بەكەن ۇلى