ديماش قۇدايبەرگەننىڭ شىعارماشىلىعى ۆەنگريادا دا ناسيحاتتالماق

None
None
نۇر-سۇلتان. قازاقپارات - ۆەنگريادا مۋزىكا ءپانىنىڭ مۇعالىمى جانە مۋزىكالىق تەراپيەۆت گابريەللا ناگي ۆەنگريانىڭ «Zene « اتتى ءىرى مۋزىكالىق باسىلىمداردىڭ بىرىندە قازاقستاندىق ءانشى ديماش قۇدايبەرگەن تۋرالى ماقالا جاريالادى، دەپ حابارلايدى قازاقپارات Dimashnews.com سايتىنا سىلتەمە جاساپ.

گابريەللا ناگي - بۇل ەڭبەكتىڭ اۆتورى ءارى ديماش قۇدايبەرگەننىڭ ونەرىنە ءتانتى ازاماتتاردىڭ ءبىرى. DimashNews قا بەرگەن سۇحباتىندا گابريەللا جۋرنالدا «قازاقتىڭ ءان شىرقايتىن فەنومەنى» تۋرالى ماقالالار توپتاماسىن جاريالاۋدى جوسپارلاپ وتىرعانىن باياندادى.

اۆتور ءبىرىنشى ماقالادا ءانشى تۋرالى قىسقا اقپارات بەرىپ، ديماشتىڭ كوپتەگەن جانكۇيەرلەرى ونىڭ ورىنداۋىندا العاش رەت ەستىگەن «S. O. S» ءانى تۋرالى جازعان.

«ديماش ۆەنگريادا ەشقاشان كونسەرت بەرمەگەن، سوندىقتان ول تۋرالى مۇندا كوبى بىلمەيدى. مەن ەڭ تانىمال مۋزىكالىق ۆەب-جۋرنالعا بىرنەشە ماقالا جازىپ، سول ارقىلى ۆەنگريالىق اۋديتوريانىڭ ونىڭ شىعارماشىلىعىنا دەگەن قىزىعۋشىلىعىن ارتتىرۋدى جوسپارلاپ وتىرمىن»، - دەپ ءبولىستى گابريەللا.

ۆەنگريانىڭ «Zene « مۋزىكالىق جۋرنالى 2009-جىلى قۇرىلعان. سول كەزدەن بەرى ەلدەگى ەڭ تانىمال ءارى كوپ وقىلاتىن باسىلىمداردىڭ بىرىنە اينالدى. ونىڭ نەگىزگى ماقساتى - وقىرمانعا ۆەنگريانىڭ، الەمنىڭ مۋزىكالىق يندۋسترياسىنداعى باستى وقيعالار تۋرالى بايانداپ بەرۋ.

Facebook جەلىسىندە جۋرنالعا جازىلۋشىلار سانى 65 مىڭ ادامنان اسىپ وتىر، ال Twitter- دە ولاردىڭ سانى 14 مىڭنان اسقان.

ەسكە سالا كەتسەك، جاقىندا كومپوزيتور يگور كرۋتوي الەۋمەتتىك جەلىلەردەگى جازىلۋشىلارىنا جاقسى جاڭالىعىن جەتكىزدى - ول ديماش قۇدايبەرگەنمەن بىرگە پاندەميا كەزىندە جاڭا ءان جازۋعا دايىندالىپ ءجۇر. ءاننىڭ اتاۋى - «مەن سەنى ساعىنىپ ءجۇرمىن» («يا سكۋچايۋ پو تەبە»)، ءاننىڭ ولەڭ جولدارىن كومپوزيتوردىڭ دوسى يگور نيكولايەۆ جازدى.

سوڭعى جاڭالىقتار