ەرلان سىدىقوۆ ەۋرازيا ۇلتتىق ۋنيۆەرسيتەتىنىڭ جاڭا عيماراتى سالىناتىنىن ايتتى

قازاقپارات - ل. ن. گۋميليەۆ اتىنداعى ە ۇۋ رەكتورى ەرلان سىدىقوۆ ۋنيۆەرسيتەت اۋماعىندا سالىناتىن جاڭا نىساندار تۋرالى ايتىپ بەردى،دەپ حابارلايدى قازاقپارات ءتىلشىسى.

«ەلىمىزدە جاقسى ءۇردىس بار، اتا- انالارى بالالارىن جوعارى وقۋ ورنىندا وقىتۋعا تىرىسادى. وسى ورايدا ۋنيۆەرسيتەتتە وقۋعا نيەتتى ستۋدەنتتەر ءۇشىن جاعداي جاساۋ كەرەك. ءبىزدىڭ ۋنيۆەرسيتەت 11 مىڭ ورىنعا ارنالعان، قازىردىڭ وزىندە 20 مىڭعا جۋىق ستۋدەنت ءبىلىم الىپ جاتىر. الداعى جىلى بىزگە تۇسەتىن ستۋدەنتتەر سانى ارتا تۇسەدى دەگەن ەسەپتەۋلەر بولدى. سوندىقتان 25 مىڭ شارشى مەترگە ەسەپتەلگەن وقۋ- زەرتحانالىق كەشەننىڭ قۇرىلىسىن باستاۋدى جوسپارعا ەنگىزدىك»،-دەدى رەكتور.

ونىڭ ايتۋىنشا، بۇل كەشەندە زەرتحانا، وقىتۋ كورپۋسى، كىتاپحانا قامتىلادى. جوبا مەملەكەتتىك- جەكەشەلىك سەرىكتەستىك ەسەبىنەن جۇزەگە اسىرىلادى. «الايدا ينۆەستورعا وسىدان قانداي پايدا تۇسەدى؟ بۇل تۇرعىدا ول جەر تەلىمىنىڭ ءبىر بولىگىنە وزىنە قاجەتتى نىساندى سالادى. دەگەنمەن ينۆەستوردىڭ وسى جەرگە دۇكەن نەمەسە تۇنگى كلۋب سالۋىنا رۇقسات بەرمەدىك. وسى ورايدا بىزگە كەرەك زاماناۋي ەمحانانىڭ قۇرىلىسىن سالۋدى تالاپ ەتتىك. سەبەبى ۋنيۆەرسيتەتتە 20 مىڭ ستۋدەنت پەن قىزمەت ەتەتىن ادامدار بار»،-دەپ ءتۇسىندىردى ە. سىدىقوۆ.

وقۋ- زەرتحانالىق كەشەننىڭ قۇرىلىسى 2021 -جىلدىڭ كوكتەمىندە باستاۋ جوسپارلانىپ وتىر. سونىمەن قاتار ول ۋنيۆەرسيتەت ستۋدەنتتەرى ءۇشىن جاتاقحانا سالۋعا ينۆەستورلار تارتىلعانىن ايتتى. «ينۆەستورلارعا جاتاقحانا سالۋ ءتيىمسىز ەكەنىن ءتۇسىنۋ كەرەك. الايدا ولاردى كوندىرۋگە تۋرا كەلدى. وسى ورايدا ۋنيۆەرسيتەتتىڭ بەدەلىنىڭ ارقاسىندا كەلىسىمگە قول جەتكىزىلدى. ءقازىر ولار 2,5 مىڭ ورىنعا ارنالعان جاتاقحانا سالىپ جاتىر»،-دەدى ەۇۋ رەكتورى. ايتا كەتەيىك، بۇگىن ل. ن. گۋميليەۆ اتىنداعى ەۇۋ- دە ءوزىنىڭ سانالى عۇمىرىنىڭ باسىم بولىگىن قازاق حالقىنىڭ شىعۋ تەگى مەن گەنەولوگياسىنا ارناعان زەرتتەۋشى، قر ۇعا اكادەميگى ورازاق سماعۇلوۆ پەن كورنەكتى عالىم- انتروپولوگ ايناگۇل سماعۇلوۆانىڭ «قازاق حالقى جانە اتا تەگى» اتتى كىتابىنىڭ تانىستىرىلىمى ءوتتى.