مالىن قاراۋسىز جىبەرگەن تۇرعىندارعا قاتاڭ شارالار قولدانىلادى - الماتى وبلىسى

تالدىقورعان. قازاقپارات - الماتى وبلىسىنىڭ پوليتسەيلەرى مالىن قاراۋسىز جىبەرگەن تۇرعىندارعا قاتاڭ شارالار قولدانا باستادى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 14- قاراشا كۇنى كوكسۋ اۋدانىنا قاراستى مۇسابەك اۋىلدىق وكرۋگىنىڭ تۇرعىندارىنا اۋداندىق پوليتسيا، پروكۋراتۋرا ورگاندارىنىڭ باسشىلىعى كەلىپ، مال ۇرلىعىنىڭ الدىن الۋ بويىنشا ءتۇسىندىرۋ جۇمىستارىن جۇرگىزدى.

اۋدان اكىمىنىڭ قولداۋىمەن ءار اۋىلدىق وكرۋگتە قاراۋسىز جۇرگەن مالدار ارنايى دايىندالعان قورالارعا قامالاتىن بولادى.

«مال ۇرلىعىنىڭ الدىن الۋ ءۇشىن يەسىز مالدى قاماۋعا ءماجبۇرمىز. ويتكەنى، قاڭعىرىپ جۇرگەن مال كەز كەلگەن ۇرىنىڭ وڭاي ولجاسى ەكەنى بەلگىلى. قامالعان مال ءۇشىن اكت جاسالىپ، يەسى انىقتالادى. مال يەسىنە 2 ايلىق ەسەپتىك كورسەتكىش مولشەرىندە ايىپپۇل سالىنادى. «مال ۇرلىعى» جەدەل الدىن الۋ ءىس-شاراسى بارىسىندا 15 تەن استام تۇرعىن اكىمشىلىك جاۋاپكەرشىلىككە تارتىلسا، كەيبىر تۇرعىنعا ەسكەرتۋ جاسالدى»، - دەدى كوكسۋ اۋدانى پوليتسيا ءبولىمى باستىعىنىڭ ۋاقىتشا مىندەتىن اتقارۋشى پوليتسيا مايورى نۇربولات تولەبايەۆ.

پوليتسيا وكىلدەرى جايىلىمدا جۇرگەن مال «كولدەنەڭ كەلگەن كوك اتتىنىڭ» جەتەگىندە كەتۋىمەن قاتار، اۆتوجولدا كولىك اپاتىنا اكەلۋى مۇمكىن ەكەنىن ايتتى.

«قاراۋسىز مال اۆتوجولدارعا شىعىپ، جول-كولىك اپاتىنا سەبەپكەر بولاتىن جايتتار كەزدەسەدى. بيىل مال قاعۋدىڭ 10 دەرەگى تىركەلدى. سونىڭ سالدارىنان جولاۋشىلار ءارتۇرلى دەنە جاراقاتتارىن الدى. تۇرعىنداردىڭ مالى امان بولىپ، قىلمىستاردى بولدىرماۋ ءۇشىن جانە تۇنگى مەزگىلدە جولعا شىعىپ كەتپەس ءۇشىن مالدارىن قاراۋسىز جىبەرمەۋدى سۇرايمىز»، - دەپ تولىقتىردى نۇربولات تولەبايەۆ.

ەستەرىڭىزگە سالا كەتەيىك، الماتى وبلىسى اۋماعىندا مال ۇرلىعىنىڭ الدىن الۋعا جانە زاڭسىز مال جانە ەت ونىمدەرىن تاسىمالداۋدى بولدىرماۋعا باعىتتالعان «مال ۇرلىعى» جەدەل الدىن الۋ ءىس-شاراسى ءوتىپ جاتىر.