پوليتسەيلەر «سارى قىزدىڭ» ەلەسى جايلى اقپاراتتى تەكسەرەتىن بولدى
ب ق و پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆ ءمالىم ەتكەندەي، بۇل جونىندە وبلىستىق دەپارتامەنت باستىعىنىڭ مىندەتىن اتقارۋشى جانبولات جانشين قاراتوبە اۋدانى جەرگىلىكتى پوليتسيا قىزمەتىنە ارنايى تاپسىرما بەرگەن. حانكول اۋىلى ماڭىندا «سارى قىزدى كوردىك» دەگەن كۋاگەرلەر انىقتالىپ، ولاردان جاۋاپ الىنادى. سونداي- اق الەۋمەتتىك جەلىدە تارالىپ كەتكەن بەينەجازبانىڭ شىندىققا سايكەستىگى سارالاناتىن بولادى.
«تۇرعىنداردان ماسەلەنىڭ بايىبىنا بارماستان، كۇماندى اقپاراتتاردى تاراتپاۋ سۇرالادى. كورىنەۋ جالعان اقپارات تاراتقانى ءۇشىن ق ر ق ك 274-بابىنا سايكەس قىلمىستىق جاۋاپكەرشىلىك قاراستىرىلعانىن ەسكە سالامىز»، دەدى قازاقپارات تىلشىسىنە ب. بەلگىبەكوۆ.
ەسكە سالا كەتەيىك، بۇدان بۇرىن ب ق و اكىمىنىڭ «سارى قىزدىڭ» ەلەسىنە بايلانىستى تۇسىنىك بەرگەنىن جازعان بولاتىنبىز.
اۆتور: ەلجان ەرالى