بالالارداعى كاۆاساكيعا ۇقساس سيندرومى نەدەن تۋىنداۋى مۇمكىن - دارىگەر پىكىرى
بۇل سۇراققا «ۇلتتىق پەدياتريا جانە بالالار حيرۋرگياسى ورتالىعى» ا ق باسقارما ءتوراعاسى ريزا بورانبايەۆا جاۋاپ بەردى، دەپ حابارلايدى قازاقپارات ءتىلشىسى.
«Covid-تىڭ بالالاردىڭ بويىنان سيمپتومسىز نەمەسە جەڭىل وتەتىنى بەلگىلى. ءبىراق سوعان قاراماستان، ءبىزدى، ياعني دارىگەرلەردى الاڭداتاتىن ماسەلە - Covid-19 اۋرۋىنان كەيىن 2-6 اپتا وتكەن سوڭ «مۋلتيجۇيەلى قابىنعان سيندروم» دەپ اتالاتىن اۋرۋدىڭ قاۋپى تۋىندايدى. ونى كەيدە كاۆاساكيگە ۇقساس سيندروم دەپ تە اتايدى. ءبىراق ءبىزدىڭ مالىمەتتەرىمىز بويىنشا، Covid-19 اۋرۋىن وتكەرگەن بىزدەگى جالپى بالالاردىڭ 1,5 پايىزى كاۆاساكيگە ۇقساس سيندروممەن اۋىرعان»، - دەدى قازاقپارات ءتىلشىسىنىڭ سۇراقتارىنا جاۋاپ بەرگەن ريزا بورانبايەۆا.
ونىڭ ايتۋىنشا، بۇل رەتتە ءبىر نۇسقا بولعانىمەن، ونى راستايتىنداي دالەل ءالى جوق.
«بۇل Covid-19 سەكىلدى جاڭا سيندروم بولعاندىقتان ول بالالاردىڭ بويىندا نەگە ءورشيتىنى تۋرالى مالىمەت جوقتىڭ قاسى. ونى كاۆاساكيگە ۇقساس اۋرۋلارمەن سالىستىرىپ قاراساق، كاۆاساكيدىڭ وزىمەن گەنەتيكالىق تۇرعىدا بەيىم بالالاردىڭ اۋىرادى دەپ ەسەپتەلەدى. بولجامىمىزعا قاراعاندا، Covid-19 كەزىندە دە، كاۆاساكيگە ۇقساس سيندرومعا دا گەنەتيكالىق تۇرعىدا بەيىم بالالار اۋىراتىن بولۋى كەرەك. ياعني، مۇندايدا كۇردەلى جاعدايدى ساناۋلى بالالار وتكەرۋى ىقتيمال. بۇل گيپوتەزا، الايدا بۇعان قاتىستى ناقتى ءارى سەنىمدى مالىمەت جوق ەكەنىن تاعى ءبىر ايتا كەتكىم كەلەدى»، - دەدى ريزا بورانبايەۆا.
اۆتور: ايان بەكەن ۇلى