بالانى قاي كەزدە ەركىنە جىبەرۋ كەرەك؟

None
None
نۇر-سۇلتان. قازاقپارات - پسيحولوگ، «بالا وتباسىندا ءومىر ءسۇرۋى ءتيىس» جوباسىنىڭ باسقارۋشىسى ازامات جامانشىنوۆ I- BALAQAI جوباسىندا اتا-انا مەن بالانىڭ قارىم-قاتىناسى جانە بۇرىس داستۇرلەر تۋرالى ايتىپ بەردى.

سۇحباتتىڭ جازباشا نۇسقاسى دايىندالدى.

بايلانىس تەورياسىنىڭ نەگىزىن قالاۋشى - امەريكالىق پسيحياتر جانە پسيحواناليتيك دجون بوۋلبي. تەورياعا سايكەس، «بايلانىس» تەرمينى «بالا قاۋىپ جانە ديسكومفورت سەزىنگەن كەزدە جاقىن جەردەن ىزدەيتىن بيولوگيالىق تۇيسىك» بولىپ سانالادى.


ازامات جامانشىنوۆ بايلانىس - بالانىڭ ومىرىندەگى ماڭىزدى نارسەنىڭ ءبىرى ەكەنىن ايتادى.

«بايلانىسسىز بالا ءومىر سۇرە المايدى. ياعني ول بازا، ول اعاشتىڭ تامىرى سەكىلدى، اعاش ءوسىپ كەلە جاتقاندا تامىرىنا بەكەمدەلەدى. سول بايلانىس، بالا كەزدەن پايدالى بايلانىس ومىرلىك ماڭىزدى قاجەتتىلىك بولىپ سانالادى. ەگەر سول كەزدە بىرنارسە دۇرىس بولماسا جانە اتا-انا بالاسىنىڭ قاجەتتىلىگىن قاناعاتتاندىرماسا نەمەسە بايقاماسا، بالا ءوزىنىڭ قاۋىپسىز جەردە ەمەس ەكەنىن تۇسىنەدى. وعان ەموتسياسىن ءبىلدىرۋ قاۋىپسىز، بىرنارسەگە قاجەتتىلىگىن كورسەتۋ قاۋىپسىز»، - دەيدى مامان.

بالا ومىرگە كەلىپ، جەتىلۋىنە دەيىن اتا-اناسىنان نەمەسە باسقا دا ەرەسەك ادامنان رەسۋرس جينالا باستايدى. جىنىستىق جەتىلۋدەن كەيىن (اركىمدە ءارقالاي، 18، 20، 21 جاستا) تاۋەلسىز ءومىر ءسۇرۋ كەزەڭى باستالادى. ەگەر بالا كۇنىندە قارىم-قاتىناس بۇزىلسا، ەرەسەك ومىردە ءتۇرلى بۇزىلۋ بولۋى مۇمكىن ەكەنىن ءتۇسىنۋ ماڭىزدى.

وتباسىندا قارىم- قاتىناستىڭ بۇزىلۋىنىڭ سالدارى:

مازاسىزدىقتىڭ امبيۆالەنتتىك بۇزىلۋى، ول اتا-انانىڭ سەزىمى، تۇراقسىز بولا باستاعان كەز. بالا اناسىنان نەمەسە اكەسىنەن نە كۇتەرىن بىلمەيدى، سوندىقتان ەموتسياسىن ءبىلدىرۋ قاۋىپتى دەپ ويلايدى. سايكەسىنشە بالا ەسەيگەن كەزدە جەكە ومىرىندە، وتباسىندا پروبلەما تۋىنداۋى مۇمكىن؛

بالا كۇنىندە قارىم-قاتىناستا بۇزىلۋ بولعان ادام ەسەيگەندە سەنبەيتىن بولادى، وعان سترەسس كەزىندە ەموتسياسىن ۇستاۋ قيىنعا سوعادى؛

قارىم-قاتىناستىڭ بۇزىلۋى، بۇل جاعدايدا ادام ەكى جاققا كەتكەن كەزدە دە نەمقۇرايدى قارايتىن بولادى. وعان باسقا اداممەن ەموتسيالىق بايلانىس ورناتا الماۋى سەبەپ بولۋى مۇمكىن.

«ەگەر قارىم- قاتىناس پايدالى بولسا، اتا-انا ەكولوگيالىق تابيعي جول ارقىلى بالانى ءبولىپ، وعان جۇرۋىنە، ارى- بەرى قوزعالۋىنا، جاس ءوسپىرىم كەزىندە تاۋەلسىز بولۋىنا مۇمكىندىك بەرىپ، ال ەرەسەك ومىرىندە: «مەن ءوز ءرولىمدى ويناپ شىقتىم. سەنى ومىرگە الىپ كەلدىم، تاربيەلەدىم. ساعان بارىنشا تولىققاندى باقىتتى تۇلعا بولىپ قالىپتاسۋىڭا مۇمكىندىك بەردىم، ال ەندى «العا» دەپ ءتۇسىندىرۋ كەرەك«، - دەيدى پسيحولوگ.

جاسوسپىرىمدەر مەن بالالاردا بۇزىلۋ بەيقۇرىلىمدىق مىنەز ارقىلى كورىنە باستايدى، بۇل جالپى نورمانى بۇزۋى مۇمكىن.

ازامات جامانشىنوۆ بۇل بەلگىلەر سىرتتاي بايقالىپ، جايلى اتموسفەرادا وسكەن بالادان ەرەكشەلەنىپ تۇراتىنىن ايتادى.

ءداستۇرلى نەگىزدەر

»بىزدە كەرەمەت مادەني، مەنتالدى زاتتار بار، ولاردى ساقتاپ قالۋىمىز كەرەك. مىسالى بالانى قىرقىنان شىعارۋ. بۇل بالانىڭ اتا- اناسىمەن جانە جاقىندارىمەن بايلانىس ورناتاتىن كەرەمەت ءداستۇر. بۇل دۇرىس قارىم- قاتىناس ورناتۋعا ارنالعان ۋاقىت«، - دەيدى پسيحولوگ.

بۇل داستۇرگە قاراما-قارسى ءداستۇر - بالانىڭ اتاسى مەن اجەسى ونى تاربيەلەۋگە الاتىن «بالا بەرۋ« ءداستۇرى.

«قانداي دا ءبىر ءداستۇردى ساقتايمىز، ول ءبىزدىڭ قالىپتاسۋىمىزعا ىقپال ەتەدى. كەيبىر داستۇردەن باس تارتامىز. قامقورلىق جانە ماحاببات ءداستۇرىن ساقتايمىز، ال «بالا بەرۋ» داستۇرىنەن جانە سول سەكىلدىدەن باس تارتۋىمىز كەرەك. سەبەبى ونىڭ قانداي دا ءبىر ماعىناسى نەمەسە قاراپايىم جاعدايدا پايداسى بولمايدى«، - دەيدى پسيحولوگ.

ەشكىم ەشكىمگە ەشتەڭە مىندەتتى ەمەس پە؟

«مەن ەشكىم ەشكىمگە ەشتەڭە مىندەتتى ەمەس دەپ ايتقاندا ونىڭ تۇپكى ماعىناسى ول ەمەس. بۇل ەڭ الدىمەن دەربەس، باقىتتى تۇلعا بولۋى كەرەك دەگەن ءسوز. ول اتا- انالارعا دا قاتىستى. اتا- انانىڭ ءوزىن تولىعىمەن بالاسىنا ارناۋى دۇرىس ەمەس، سەبەبى بالالار اتا-اناسىنىڭ شاڭىراعىنان كەتەدى، ال وتباسىلىق جۇپ ەكى بولەك كەتىپ قالۋى مۇمكىن. سەبەبى ولاردى بايلانىستىرعان تەك بالا بولۋى مۇمكىن«، - دەپ ءتۇسىندىردى پسيحولوگ.

بالا وسكەن سايىن قارىم- قاتىناستىڭ فورماسى وزگەرەدى، سەبەبى شەكارانى دۇرىس قالىپتاستىرا ءبىلۋ كەرەك. ازامات جامانشىنوۆ وعان اتا- انامەن سويلەسە وتىرىپ جەتۋگە بولاتىنىن ايتادى. ەگەر ول جۇمىس ىستەمەسە پسيحولوگقا جۇگىنۋگە بولادى.

جوبانىڭ ۇيىمداستىرۋشىلارى - Alash Media Group مەدياحولدينگى مەن Montessori Qazaqstan Public Fund. اقپاراتتىق سەرىكتەس - «ۆكونتاكتە« الەۋمەتتىك جەلىسى.

ۆيدەوسۇحباتتى I- BALAQAI YouTube-كانالىنان كورۋگە بولادى.

وقىرماندار، كورەرمەندەر مەن تىڭدارماندار سۇحبات ءۇزىندىسىن Zhuldyz FM، Tengri FM جانە VOSTOK FM راديوستانتسيالارىنان تىڭداي الادى.

سونداي-اق پودكاست تۇرىندەگى ماتەريالدى SoundCloud، Anchor. FM، ياندەكس. مۋزىكا جانە «ۆكونتاكتە« جەلىسىندە تىڭداي الاسىزدار.

Tengrinews.kz

سوڭعى جاڭالىقتار