كوروناۆيرۋس: ەرلان قياسوۆ «قىزىل» جانە «سارى» ايماققا كىرەتىن وڭىرلەردى اتادى

نۇر- سۇلتان. قازاقپارات - كوروناۆيرۋستىڭ ورشۋىنە بايلانىستى «قىزىل» جانە «سارى» ايماققا كىرگەن وڭىرلەر بەلگىلى بولدى.

ولاردى بۇگىن ق ر دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتاريالىق دارىگەر ەرلان قياسوۆ اتادى، دەپ حابارلايدى قازاقپارات ءتىلشىسى.

«قازىرگى ۋاقىتتا «قىزىل ايماققا» شىعىس قازاقستان، پاۆلودار، باتىس قازاقستان جانە قوستاناي وبلىسى كىرىپ وتىر. ال «سارى ايماققا» اقمولا وبلىسى مەن نۇر- سۇلتان قالاسى كىرەدى. قالعان وڭىرلەر «جاسىل ايماققا» جاتادى» ، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.

بۇعان دەيىن، سوڭعى 2 اپتادا ەلىمىزدىڭ بارلىق وڭىرىندە COVID- پەن سىرقاتتانۋدىڭ كۇرت ءوسۋى بايقالىپ وتىرعانىن حابارلاعان ەدىك. ناقتى ايتقاندا، اۋرۋ جۇقتىرۋدىڭ 45 پايىزى شىعىس قازاقستان وبلىسىندا تىركەلدى. قوستاناي وبلىسىندا 4 ەسەگە وسسە، باتىس قازاقستان وبلىسىندا 3,2 ەسەگە ارتتى. ال پاۆلودار وڭىرىندە 2,7 ەسەگە ايتارلىقتاي ءوسىم بايقالۋدا.