وڭتۇستىك كورەيادا كوز جۇمعان قازاقستاندىقتىڭ دەنەسى ەلگە جەتكىزىلدى
«بۇل ماسەلە ءبىرىنشى كۇننەن باستاپ ءبىزدىڭ ەلشىلىكتىڭ باقىلاۋىندا بولدى. كەشە ءبارىن شەشتىك. ءبىزدىڭ وتانداسىمىزدىڭ دەنەسى قازاقستانعا جەتكىزىلدى. الماتىدا ۇشاق تاڭەرتەڭ قوندى. بۇگىن تۇستەن كەيىن شىمكەنتكە جەتكىزىلەدى»، - دەپ حابارلادى ق ر س ءى م رەسمي وكىلى ايبەك سمادياروۆ.
ونىڭ ايتۋىنشا قازاقستان مەن وڭتۇستىك كورەيا اراسىندا اپتاسىنا ءبىر رەت قانا ۇشاق ۇشادى. «ماسەلە ءبىزدىڭ سەۋلدەگى كونسۋلدىقتىڭ كۇش سالۋىمەن جانە ەير استانا اۋە كومپانياسىنىڭ قولداۋىمەن شەشىلدى. ديپلوماتتار قايتىس بولعان جىگىتتىڭ تۋعان-تۋىستارىمەن حابارلاسىپ وتىر»، - دەيدى ايبەك سمادياروۆ.
ەسكە سالا كەتسەك، وتكەن ايدا دا وڭتۇستىك كورەيادا قازاقستاننىڭ 2 ازاماتى قايتىس بولعان ەدى. جەرگىلىكتى پوليتسيانىڭ قازاقستاندىقتارعا ديپلوماتتارعا بەرگەن اقپاراتىنا سايكەس، ولار جۇمىس ورنىندا قاۋىپسىزدىك ەرەجەلەرىن ساقتاماۋدىڭ سالدارىنان العان جاراقاتتان قازا بولعان. اتالعان جاعدايلار بويىنشا تەرگەۋ جۇمىستارى جۇرگىزىلىپ جاتىر.