وڭتۇستىك كورەيادا قازاقستاندىق ۇستالدى

نۇر -سۇلتان. قازاقپارات - وڭتۇستىك كورەياداعى كۆاندجۋ قالاسىنىڭ پوليتسياسى 28-قازاندا ەلدە زاڭسىز جۇرگەن 26 جاستاعى قازاقستاندىقتى ۇستادى، - دەپ حابارلايدى Newsis.

ول تەلەفون الاياقتارىمەن قاتىسى بار دەپ ايىپتالىپ وتىر.

دەرەككوز مالىمەتىنشە، قازاقستاندىق 500 مىڭ ۆون (شامامەن 194 مىڭ تەڭگە) سىياقى ءۇشىن بىرەۋدەن 35 ميلليون ۆون (شامامەن 13,6 ميلليون تەڭگە) الۋى كەرەك بولعان.

وسىلايشا قازاقستاندىق ەگدە جاستاعى كىسىلەردى تەلەفون ارقىلى الداپ، ولاردان بار جيناعان اقشاسىن پاكەتكە سالىپ، ەسىك الدىنا قويىپ قويۋىن تالاپ ەتكەن.

«قازاقستان ازاماتى اقشا سالىنعان پاكەتتى الىپ، كەنگيدو پروۆينسياسىنان اسىپ ءوتىپ، اقشانى وزگە بىرەۋگە تاپسىرعان. قازىرگى ۋاقىتتا پوليتسيا تەرگەۋ جۇرگىزىپ جاتىر»، - دەپ جازادى باسىلىم.

رەداكسيا قازاقستاننىڭ س ءى م وكىلدەرىنەن وسى ماسەلەگە قاتىستى پىكىر ءبىلدىرۋىن سۇرادى.