قاسىم- جومارت توقايەۆ ا ق ش- تاعى پرەزيدەنت سايلاۋىندا جەڭىسكە جەتكەن دجو بايدەندى قۇتتىقتادى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ امەريكا قۇراما شتاتتارىندا وتكەن پرەزيدەنت سايلاۋىندا ەڭ كوپ داۋىس جيناعان دجو بايدەندى قۇتتىقتادى، دەپ حابارلايدى قازاقپارات.

مەملەكەت باسشىسى دجو بايدەنگە شىن جۇرەكتەن جىلى لەبىزىن جەتكىزىپ، الداعى ۋاقىتتا ەكى ەل اراسىندا جەمىستى ىنتىماقتاستىق ورنايتىنىنا سەنىم ءبىلدىردى.

ەسكە سالا كەتەيىك، بۇگىن امەريكا قۇراما شتاتتارىندا ءوتىپ جاتقان پرەزيدەنت سايلاۋىندا دەموكراتيالىق پارتيا اتىنان باق سىناعان دجو بايدەن جەڭىسكە قاجەت داۋىستى جينادى. 77 جاستاعى بايدەن تاڭداۋشىلاردىڭ 273 داۋسىن جيناپ، امەريكانىڭ قازىرگى پرەزيدەنتى، رەسپۋبليكالىق پارتيا ۇمىتكەرى دونالد ترامپتى باسىپ وزعان. سايلاۋدىڭ سوڭعى قورىتىندى ناتيجەسى 14 -جەلتوقساننان كەيىن بەلگىلى بولادى.