قازاقستان ءبىر ايدا شەتەلگە ميلليون تونناعا جۋىق استىق پەن ۇن ەكسپورتتالدى

نۇر-سۇلتان. قازاقپارات - ەلىمىز استىق پەن ۇن ەكسپورتى بويىنشا جوعارى كورسەتكىش كورسەتىپ وتىر، دەپ حابارلايدى قازاقپارات اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.

قازان ايىندا ق ر قارجى مينيسترلىگىنىڭ مەملەكەتتىك كىرىستەر كوميتەتى مەن «ق ت ج» ا ق- نىڭ دەرەكتەرى بويىنشا قازاقستان شەتەلگە 862 مىڭ تونناعا جۋىق استىق پەن ۇن ساۋدالادى. ونىڭ ىشىندە 617 مىڭ توننا بيداي، 164 مىڭ توننا بيداي ۇنى (235 مىڭ توننا استىق ەكۆيۆالەنتىندە) جانە 9,7 مىڭ توننا ارپا بار. بيداي مەن ۇننىڭ باسىم بولىگىن وزبەكستان (327,6 مىڭ توننا)، اۋعانستان (230,3 مىڭ توننا) جانە تاجىكستان (150,5 مىڭ توننا) ساتىپ الدى.

ارپانىڭ بارلىق كولەمى ءداستۇرلى تۇردە يرانعا ەكسپورتتالعان. ەستەرىڭىزگە سالساق، بۇعان دەيىن ق ر اۋىل شارۋاشىلىعى ءمينيسترى ساپارحان وماروۆ بيىل قازاقستاننىڭ ديقاندارى جوعارى ساپالى ءداندى داقىلدار العانىن اتاپ وتكەن بولاتىن. سونىمەن قاتار، ق ر ا ش م باسشىسى قازاقستاننىڭ استىق پەن ۇندى ساتۋ ماسەلەلەرىندەگى ەكسپورتتىق ستراتەگياسى كوروناۆيرۋس پاندەمياسىنا قاراماستان وزگەرىستەرگە ۇشىرامايتىنىن مالىمدەگەن. 27 -قازاندا ق ر پرەزيدەنتى قاسىم-جومارت توقايەۆ ق ر اۋىل شارۋاشىلىعى مينيسترلىگىنىڭ باسشىسىمەن كەزدەسۋ وتكىزىپ، وڭدەلگەن ءونىم ەكسپورتىنىڭ كولەمىن ۇلعايتۋدى جانە وتاندىق اگرارشىلار ءۇشىن جاڭا نارىق اشۋ بويىنشا بەلسەندى جۇمىس جۇرگىزۋدى تاپسىردى.