سەمەيدە مەكتەپ وقۋشىلارىن تاسىمالدايتىن اۆتوبۋستار قۇراستىرىلۋدا
شىعىس قازاقستان وبلىسىنىڭ اكىمى دانيال احمەتوۆ كوپ ۇزاماي ءوڭىر مەكتەپتەرى ارنايى اۆتوبۋستارىمەن قامتاماسىز ەتىلەتىندىگىن ايتتى.
قوعامدىق كولىكتەردە سومكە قوياتىن ورىن، قاۋىپسىزدىك بەلدىكتەرىمەن جابدىقتالعان بالالار ورىندىقتارى بولادى.
«وسىعان دەيىن وڭىردەگى مەديتسينالىق مەكەمەلەرگە جەدەل جاردەم كولىكتەرىن شىعارعان «سەماز» ج ش س ءبىزدىڭ ءوتىنىشىمىزدى جەردە قالدىرمادى. 20 وقۋشىعا ارنالعان اۆتوبۋستىڭ جاڭا نۇسقاسى دايىندالدى. جاقىن ارادا بىرنەشە اۆتوبۋس ساتىپ الامىز. قازىر ءبىلىم باسقارماسى مەكتەپتەرگە ناقتى قانشا كولىك كەرەك ەكەنىن ەسەپتەپ جاتىر. ەڭ باستىسى، بۇل جايلى قوعامدىق كولىكتەر بالالارىمىزدىڭ قاۋىپسىزدىگىن قامتاماسىز ەتەدى»، - دەدى دانيال احمەتوۆ.
ەستەرىڭىزگە سالا كەتسەك، وسىعان دەيىن ش ق و- نىڭ مەديتسينالىق مەكەمەلەرىنە 60 جەدەل جاردەم كولىگى بەرىلگەندىگى حابارلانعان.