اعارتۋشى، عالىم ىبىراي التىنساريننىڭ ەسكەرتكىشى اشىلدى

None
None
قوستاناي. قازاقپارات - قوستاناي قالاسىنىڭ ورتالىق الاڭىنا اعارتۋشى، عالىم ىبىراي التىنساريننىڭ ەسكەرتكىشى قويىلدى، دەپ حابارلايدى قازاقپارات.

ى. التىنساريننىڭ 180 جىلدىعى قارساڭىندا اشىلعان ەسكەرتكىش التىنسارين- تولستوي كوشەلەرىنىڭ قيىلىسىندا ورنالاسقان. ونىڭ سالىنۋىنا قوستانايداعى پەداگوگتار مەن ەڭبەك ارداگەرلەرى، ىبىرايتانۋشىلار مۇرىندىق بولدى. سالتاناتتى شاراعا قوستاناي وبلىسىنىڭ اكىمى ارحيمەد مۇحامبەتوۆ، پەداگوگيكالىق ەڭبەك ارداگەرلەرى، قوعام قايراتكەرلەرى قاتىستى.

ءوڭىر باسشىسى اتاپ وتكەندەي، ەسكەرتكىشتىڭ اشىلۋى قازاق قوعامىنىڭ دامۋىنا، ءبىلىم بەرۋ جۇيەسىنىڭ قالىپتاسۋىنا باعا جەتپەس ۇلەس قوسقان كورنەكتى تۇلعانىڭ مەرەيتويىن اتاپ وتۋدەگى اتقارىلاتىن جۇمىستاردىڭ باستاماسى بولىپ وتىر.


«تۇڭعىش اعارتۋشى ىبىراي التىنسارين ەسكەرتكىشىنىڭ بوي كوتەرۋى - ەلىمىزدەگى تاريحي وقيعالاردىڭ ءبىرى. قازاقتىڭ دارىندى تۇلعاسى ەلدەگى حالىق اعارتۋ ءىسى تاريحىندا ولشەۋسىز ەڭبەك ءسىڭىردى. ⅩⅨ عاسىردىڭ ەكىنشى جارتىسىندا قازاق دالاسىندا مەكتەپ جۇمىسىن ۇيىمداستىرۋدىڭ ماعىنالى جوباسىن جاساپ، حالىق مەكتەبىنىڭ نەگىزىن قالادى. بۇل ۇلى بابانىڭ ەلىنە سىڭىرگەن ەڭبەگىنىڭ ءبىر پاراسى عانا. كەلەسى جىلى بولاتىن ايتۋلى جوبالار بۇگىنگى شارادان باستاۋ الادى. ءبىز تەك ەسكەرتكىش اشۋمەن توقتامايمىز. قالاداعى التىنسارين كوشەسى تولىق جوندەۋدەن وتەدى. وعان قازىنادان 900 ميلليون تەڭگە ءبولىندى. بۇل جۇمىستار جالعاسا بەرەدى»، - دەپ اتاپ ءوتتى ارحيمەد مۇحامبەتوۆ.

ەسكەرتكىشتى بەلگىلى ءمۇسىنشى ج. جۇبانقوسوۆ پەن ق ر سۋرەتشىلەر وداعىنىڭ مۇشەسى ت. ەرمەكوۆ بىرلەسە جاساعان. قۇرىلىس قولادان، تۇعىردىڭ تۇبىنەن تومەنگى بولىگىنە دەيىن گرانيتتەن جاسالعان. قولا كومپوزيتسياسىنىڭ جالپى بيىكتىگى پلينتتىڭ تومەنگى نۇكتەسىنەن - 2,6 مەتر.


اۆتور: قاسقىرباي قويشىمانوۆ


سوڭعى جاڭالىقتار