+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

پاۆلودار جىلۋ ەلەكتر ورتالىعىنا ت م د- دا تەڭدەسى جوق جاڭا تەحنولوگيا ەنگىزىلگەن

2 قاراشا 10:31
:ءبولىسۋ
پاۆلودار جىلۋ ەلەكتر ورتالىعىنا ت م د- دا تەڭدەسى جوق جاڭا تەحنولوگيا ەنگىزىلگەن

پاۆلودار. قازاقپارات - ەنەرگەتيكا ءمينيسترى مەن پاۆلودار وبلىسىنىڭ اكىمى پاۆلوداردىڭ ەنەرگەتيكا جانە مۇناي-حيميا كاسىپورىندارىن ارالادى، دەپ حابارلايدى قازاقپارات.

وبلىس اكىمدىگى باسپا ءسوز قىزمەتىنىڭ Telegram پاراقشاسىنداعى مالىمەتكە سەنسەك، ق ر ەنەرگەتيكا ءمينيسترى نۇرلان نوعايەۆ پاۆلودار وبلىسىنا جۇمىس ساپارىمەن كەلدى. ءوڭىر باسشىسى ءابىلقايىر سقاقوۆ ەكەۋى 1- قاراشادا پاۆلوداردا ەكى جىلۋ ەلەكتر ورتالىعىندا، پاۆلودار مۇناي-حيميا زاۋىتىندا جانە «نەفتەحيم LTD» ج ش س- دە بولعان. «قازاقستان اليۋمينيى» ا ق قۇرامىنا كىرەتىن 1-ج ە و- دا ولارعا قالانى ەلەكترمەن جانە جىلۋمەن جابدىقتاۋ تۋرالى ايتىلدى. ستانتسيانىڭ قازىرگى ەلەكتر قۋاتى - 340 م ۆ ت، ال جىلۋ قۋاتى - ساعاتىنا 1074 گكال. كاسىپورىننىڭ الەۋمەتتىك باستامالارى تۋرالى دا ءسوز بولدى.

- ءبىزدىڭ جوعارى وقۋ ورنىمىز - تورايعىروۆ ۋنيۆەرسيتەتىندە ەنەرگەتيكتەردى دايارلايدى، ولاردىڭ كوبى بىزگە جۇمىسقا ورنالاسادى. بارلىق جاس ماماندى قوسىمشا وقىتامىز، ولاردى بارىنشا قولداۋعا تىرىسامىز، - دەدى 1-ج ە و باستىعى يليا روجكوۆ.

«پاۆلودارەنەرگو» ا ق بولىمشەسى 3-ج ە و- دا نۇرلان نوعايەۆ پەن ءابىلقايىر سقاقوۆقا نەگىزگى جابدىقتاردى مودەرنيزاتسيالاۋ تۋرالى باياندالدى. مىسالى، بيىل ەنەرگەتيكتەر 6№ تۋربينانى قايتا قۇردى. ت م د- دا تەڭدەسى جوق جاڭا تەحنولوگيا ارقاسىندا كاسىپورىن عيماراتى ىرگەتاسىنىڭ بۇزىلۋىنا اكەلەتىن ۆيبراتسيادان قۇتىلدى.

- 6№ تۋربينادا قازاقستاندا العاش رەت جابدىقتىڭ جۇمىسى تۋرالى بارلىق دەرەكتەردى ونلاين رەجيمدە ءبىرىڭعاي پۋلتكە جىبەرۋگە مۇمكىندىك بەرەتىن بولجامداۋ جۇيەسى ورناتىلعان. ەگەر قانداي دا ءبىر كورسەتكىش وزگەرسە، جۇيە قۇرىلعىنىڭ جوندەۋگە ءتيىس ۋاقىتىن بىردەن انىقتاپ بەرەدى. بۇل مودەرنيزاتسيا جۇمىسىن ۋاقتىلى جوسپارلاۋعا مۇمكىندىك بەرەدى، - دەدى «پاۆلودارەنەرگو» ا ق باسشىسى.

جىلۋ ەلەكتر ورتالىعىنان قالاعا جىلۋ بەرۋ بۇگىن شتاتتىق رەجيمدە ءجۇرىپ جاتىر. كاسىپورىن قويمالارىنداعى كومىر قورى - 200 مىڭ توننا (نورماتيۆ بويىنشا 70 مىڭ توننا). «نەفتەحيم LTD» ج ش س بازاسىندا ەنەرگەتيكا ءمينيسترى جانە پاۆلودار وبلىسىنىڭ اكىمى مەتيلترەتبۋتيلەفير جانە پوليپروپيلەن ءوندىرۋ سەحتارىندا بولدى. بيىل زاۋىت پوليپروپيلەن شىعارۋ كولەمىن 40 مىڭ تونناعا دەيىن جەتكىزۋدى جوسپارلاپ وتىر. وتكەن جانە بۇرىنعى جىلدارى بۇل كورسەتكىش شامامەن 33 مىڭ توننانى قۇراعان بولاتىن. پوليپروپيلەننەن ب ي گ- ب ە گ - كولەمى 1 توننالىق ۇلكەن قاپتار جانە باسقا دا ىدىستار وندىرىلەدى.

پاۆلودار مۇناي- حيميا زاۋىتىنىڭ اۋماعىندا قوناقتار ورتالىق باسقارۋ ءپۋلتى مەن وقۋ ورتالىعىن ارالادى.

«پ م ح ز» ج ش س وكىلدەرى 2017-جىلى ءوندىرىستى جاڭعىرتقاننان كەيىن كاسىپورىندا ءونىم ساپاسىن ك-4 جانە ك-5 ستاندارتتارىنا دەيىن جاقسارتىپ، مۇناي وڭدەۋ تەرەڭدىگىن %76 دان %87 عا دەيىن ارتتىرعانىن ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات