جەنيەۆادا ارمەنيا مەن ازەربايجاننىڭ سء ى م باسشىلارىنىڭ كەزدەسۋى اياقتالدى
بۇل تۋرالى ارمەنرەسس اگەنتتىگىنە ارمەنيانىڭ سىرتقى ىستەر مينيسترلىگىنىڭ باسپا ءسوز حاتشىسى اننا ناگداليان ءمالىم ەتتى، دەپ حابارلايدى قازاقپارات.
ارمەنيانىڭ سىرتقى ىستەر ءمينيسترى زوگراب مناتساكانياننىڭ بايراموۆپەن كەزدەسۋى مينسكىنىڭ ە ق ى ۇ- داعى توبىنىڭ تەڭ ءتوراعالارىنىڭ قاتىسۋىمەن جەنيەۆادا ەريەۆان ۋاقىتى بويىنشا ساعات 17:00-دە باستالدى. ونىڭ الدىندا مناتساكانيان مينسكىنىڭ ە ق ى ۇ- داعى توبىنىڭ تەڭ توراعالارىمەن جانە ە ق ى ۇ- نىڭ ءىس باسىنداعى ءتوراعاسىنىڭ جەكە وكىلى اندجەي كاسپرشيكپەن كەزدەسۋ وتكىزدى.
ازەرتادج اگەنتتىگىنە سىرتقى ىستەر مينيسترلىگىنىڭ باسپا ءسوز قىزمەتى باسقارماسىنىڭ حابارلۋىنشا، كەزدەسۋ بارىسىندا دجەيحۋن بايراموۆ شيەلەنىستى حالىقارالىق قۇقىق پەن نورمالار جانە ب ۇ ۇ- نىڭ قاۋىپسىزدىك كەڭەسىنىڭ، حالىقارالىق ۇيىمداردىڭ قۇجاتتارىنىڭ تالاپتارىنا ساي رەتتەۋ باعىتىنداعى ازەربايجاننىڭ پوزيتسياسىن ۇسىندى.
گۋمانيتارلىق شارالار تۋرالى ايتا كەلە، دجەيحۋن بايراموۆ ازەربايجان ۇسىنىپ وتىرعان كونسترۋكتيۆتى كوزقاراستىڭ ماڭىزدىلىعىنا نازار اۋداردى. وسى رەتتە ول ازەربايجاندىقتاردىڭ ارميان تاراپىنا قايتىس بولعان ادامداردىڭ مايىتتەرى مەن قارت ايەلدى تاپسىرعانىن ەسكە سالدى. دجەيحۋن بايراموۆ ارمەنيا تاراپىنىڭ بەيبىت تۇرعىندار مەن ەلدى مەكەندەردى اتقىلاۋى حالىقارالىق گۋمانيتارلىق قۇقىقتارعا قايشى ەكەنىن ەسكەرتتى.
تاسس اگەنتتىگى ازەربايجان مەن ارمەنيا تاراپىنىڭ جۇما كۇنى جەنيەۆادا وتكەن كەزدەسۋ بارىسىندا تاۋلى قاراباقتاعى اتىستى توقتاتۋ باعىتىندا ءبىرقاتار شارا قولداناتىن بولىپ كەلىسكەندىگىن جازدى. بۇل رەتتە تاراپتار ەل تۇرعىندارى مەن اسكەري ەمەس نىساندارعا قارۋ قولدانبايتىن بولدى. بۇل تۋرالى ەۋروپاداعى قاۋىپسىزدىك پەن ىنتىماقتاستىق ۇيىمىنىڭ باسپا ءسوز قىزمەتى حابارلاعان.
مالىمدەمەدە مينسكىنىڭ ە ق ى ۇ- داعى توبىنىڭ رەسەي، فرانسيا جانە ا ق ش تاراپىنان ۇسىنىلعان تەڭ ءتوراعالارى 30- قازان كۇنى ارمەنيا مەن ازەربايجاننىڭ سىرتقى ىستەر مينيسترلەرىمەن جەكە جانە بىرلەسكەن كەزدەسۋلەر وتكىزگەنىن حابارلادى.
ولار سونىمەن قاتار، ە ق ى ۇ ءتوراعاسىنىڭ جەكە وكىلى اندجەي كاسپشيكپەن، ب ۇ ۇ- نىڭ بوسقىندار جونىندەگى جوعارى كوميسسارى فيليپپو گرانديمەن جانە حالىقارالىق قىزىل كرەست كوميتەتىنىڭ پرەزيدەنتى پەتەر ماۋرەرمەن كونسۋلتاتسيالار وتكىزگەن. مينسكىنىڭ ە ق ى ۇ- داعى توبىنىڭ مالىمدەمەسىندە تاراپتاردىڭ حالىقارالىق گۋمانيتارلىق قۇقىق تالاپتارىنا سايكەس، بەيبىت تۇرعىندار مەن اسكەري ەمەس نىسانداردىڭ نىساناعا المايتىنى ايتىلعان.
«تاراپتار ۇرىستا قايتىس بولعانداردىڭ مايىتتەرىن الماسۋ جۇمىستارىن بەلسەندى جۇرگىزبەك. بۇل رەتتە ولار حالىقارالىق قىزىل كرەست كوميتەتىنە جانە ە ق ى ۇ- نىڭ جەكە وكىلىنە بىرلەسكەن قيمىلدار كەزىندە قاۋىپسىزدىككە كەپىلدىك بەرىلەتىنىن مالىمدەدى. تاراپتار اپتا ىشىندە حالىقارالىق قىزىل كرەست كوميتەتى مەن ە ق ى ۇ- نىڭ جەكە وكىلىنە اشىقتىقتى قامتاماسىز ەتۋ ءۇشىن تۇتقىندار تۋرالى مالىمەتتەردى بەرەدى» - دەلىنگەن ە ق ى ۇ- نىڭ مالىمدەمەسىندە.