ەلىمىزدە كىتاپحاناشىلاردىڭ ەڭبەكاقىسى وسەدى
ونىڭ نەگىزگى باعىتتارىنىڭ ءبىرى - مەكتەپ كىتاپحانالارىن كوركەم ادەبيەتتەرمەن تولىقتىرۋ. بۇل تۋرالى «وقۋلىق» عىلىمي- پراكتيكالىق ورتالىعىنىڭ ديرەكتورى عاني بەيسەمبايەۆ ايتتى.
«زەرتتەۋلەر بويىنشا مەكتەپ كىتاپحانالارىنىڭ قورىندا 200 ميلليوننان اسا ادەبيەت بار. ءبىراق ولاردىڭ %20-30 ى جارامسىز» ، - دەيدى ورتالىق باسشىسى.
سوعان بايلانىستى مەكتەپ كىتاپحانالارىن كوركەم ادەبيەتتەرمەن تولىقتىرۋ ماسەلەسى قولعا الىنىپ وتىر. جول كارتاسىنا ساي كىتاپحانالاردى قاجەتتى باسىلىمدارمەن تولىقتىرۋ ءۇشىن بەس جىلداي ۋاقىت كەتەدى. بۇدان بولەك، وقۋ زالدارىنىڭ بەزەندىرىلۋى، ماتەريالدىق- تەحنيكالىق بازا جانە سول جۇمىستى ۇيلەستىرەتىن مەكتەپ كىتاپحاناشىلار بازاسىن قالىپتاستىرۋ كوزدەلگەن. جوعارعى وقۋ ورىندارىنداعى كىتاپحاناشى ماماندىعىن پەداگوگ- كىتاپحاناشى ماماندىعىنا الماستىرىپ، بۇل مامانداردىڭ ايلىعىن كوتەرۋ قاراستىرىلعان.
عاني بەيسەمبايەۆ، ق ر ب ع م «وقۋلىق» عىلىمي- پراكتيكالىق ورتالىعىنىڭ ديرەكتورى:
- ءار جىل سايىن مەكتەپ كىتاپحانالارىن %20 كە تولىقتىرۋ جانە سول كوركەم ادەبيەت تىزىمىندە نەگىزىنەن ءتورت باعىتتا كىتاپتاردىڭ تاقىرىبى بەلگىلەنىپ وتىر. ءبىرىنشى كەزەكتە وتاندىق كلاسسيكتەردىڭ ۇزدىك ادەبيەتتەرىنىڭ كىرۋى. ەكىنشىدەن، شەتەلدىك قازاق تىلىنە اۋدارىلعان الەم ادەبيەتتەرىنىڭ ءتىزىمى.