ەلىمىزدىڭ تاعى قاي وڭىرىندە بلوكپوست ورناتىلۋى مۇمكىن

نۇر- سۇلتان. قازاقپارات - ەلىمىزدە ەپيدەميولوگيالىق احۋال ۋشىعىپ كەتكەن جاعدايدا وڭىرلەردە بلوكپوستار قويىلادى. بۇل تۋرالى ق ر دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتار دارىگەر ەرلان قياسوۆ ايتتى، دەپ حابارلايدى قازاقپارات ءتىلشىسى.

«بۇگىنگى كۇنى وزگە وڭىرلەرگە بلوكپوست قويۋدىڭ قاجەتتىلىگى بايقالىپ وتىرعان جوق. تەك قاراعاندى وبلىسىندا بلوكپوست ورناتۋ جوسپارلانىپ وتىر. الايدا، ونىڭ ءوزى بلوكپوست ەمەس، سانيتارلىق بەكەت بولۋى ءمۇمىن. بۇل الدىن الۋ شارالارىن ارتتىرۋ اياسىنداعى جەرگىلىكتى اتقارۋشى ورگانداردىڭ باستاماسى بولاتىن»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ ايتۋىنشا، اتالعان وڭىرگە قاراستى اقتوعاي اۋدانىندا «التىن الماز» كاسىپورنى قىزمەتكەرى اراسىندا كوروناۆيرۋستىڭ ءورشۋ وشاعى تىركەلگەن.

«تولىقتاي العاندا ەل بويىنشا قازىرگى جاعدايعا بايلانىستى بلوكپوستتار قويۋ تاياۋ ۋاقىتتىڭ ىشىنە جوسپارلانىپ وتىرعان جوق. تەك ەپيدەميولوگيالىق جاعداي ۋشىعىپ كەتسە عانا قولعا الىنۋى مۇمكىن»، - دەدى ەرلان قياسوۆ.