تۇركياداعى ءزىلزالادان زارداپ شەككەن قازاقستاندىقتار ەلشىلىككە حابارلاسا الادى

None
None
يزمير. قازاقپارات - تۇركياداعى جەر سىلكىنىسىنە بايلانىستى قازاقستاننىڭ تۇركياداعى ەلشىلىگى مالىمدەمە جاسادى، دەپ حابارلايدى قازاقپارات.

بۇل جايىندا قازاقاستاننىڭ تۇركياداعى ەلشىسى ابزال ساپاربەك ۇلى Facebook پاراقشاسىندا جازدى. «وتە شۇعىل! وتە ماڭىزدى! 30-قازاندا جەرگىلىكتى ۋاقىت بويىنشا ساعات 14.51 شاماسىندا ەپيتسەنترى يزمير پروۆينتسياسىنىڭ سەفەريحيسار اۋدانىنا جاقىن جەردە، ەگەي تەڭىزىندە 6.6 باللدىق (كەيبىر اقپارات كوزدەرىنە سايكەس، 6,8 نەمەسە 7 باللدىق) قۋاتتى جەر سىلكىنىسى بولدى. ءزىلزالا تۇركيانىڭ ەگەي جانە مارمارا تەڭىزدەرىنىڭ جاعالاۋىندا ورنالاسقان پروۆينتسيالارىندا سەزىلدى. ق ر ەلشىلىگى ءتيىستى تۇرىك مەملەكەتتىك ورگاندارى جانە مەكەمەلەرىمەن بايلانىس ورناتىپ، ءمان- جايدى انىقتاۋدا» دەپ جازدى ەلشى.

ونىڭ ايتۋىنشا، ازىرگە زارداپ شەككەن قازاقستان ازاماتتارى تۋرالى اقپارات جوق.

«كومەك قاجەت ازاماتتارىمىز بولعان جاعدايدا تىكەلەي ەلشىلىك 903124919100 نەمەسە ماعان حابارلاسۋعا بولادى» دەپ اتاپ ءوتتى ابزال ساپاربەك ۇلى.

ەسكە سالا كەتەيىك، بۇگىن تۇركيانىڭ باتىسىندا جەر سىلكىنگەنىن جازعان بولاتىنبىز.

سوڭعى جاڭالىقتار