شىعىس قازاقستاندا كوروناۆيرۋستىڭ ورشۋىنە نە سەبەپ

نۇر- سۇلتان. قازاقپارات - شىعىس قازاقستان وبلىسىندا كوروناۆيرۋس ىندەتىنىڭ ورشۋىنە وڭىردەگى كوشى- قوننىڭ جوعارى بولۋى ىقپال ەتۋى مۇمكىن.

بۇل تۋرالى ق ر دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتار دارىگەر ەرلان قياسوۆ ايتتى، دەپ حابارلايدى قازاقپارات ءتىلشىسى.

«قازىرگى پروبلەمانىڭ ءبىرقاتار وبەكتيۆتى سەبەبى بار. سونىڭ ءبىرى - حالىقتىڭ كوشى- قون قابىلەتىنىڭ جوعارى بولۋى. كورشىلەس مەملەكەتتەردىڭ شەكارالاس اۋداندارىندا وتە قولايسىز جاعداي قالىپتاسىپ، ناۋقاستانۋ دەڭگەيى جوعارى بولىپ تۇر. سونىڭ سالدارىنان حالىقتىڭ كوشىپ- قونۋى كەزىندە سىرتتان كەلەتىن جاعداي ءجيى بولۋدا»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سونىمەن قاتار ول دەنساۋلىق ساقتاۋ مينيسترلىگى وڭىردەگى ماسەلەلەردى زەردەلەۋ ءۇشىن كوميسسيا جىبەرگەنىن، ءبىرقاتار پروبلەما انىقتالعانىن ايتتى. اسىرەسە جەكەمەنشىك زەرتحانالار جۇمىسىندا كەمشىلىك بار ەكەندىگىن اتاپ ءوتتى.

«حابارلاۋ 3-5 تاۋلىككە دەيىن كەشىگىپ جەتىزىلگەن. سونىڭ سالدارىنان سانيتارلىق- ەپيدەميولوگيالىق قىزمەت ءىس- شارالاردى كەشەۋىلدەتىپ جۇرگىزگەن. كارانتين شارالارىن اسىرا پايدالانۋ فاكتىلەرى دە انىقتالىپ جاتىر. قوعامدىق كولىكتەگى جولاۋشىلاردىڭ 50 پايىزىنا دەيىن ماسكاسىز ءجۇرىپ، اراقاشىقتىقتى ساقتاماعان»، - دەدى ەرلان قياسوۆ.

اۆتور: مارلان جيەمباي