پوليتسيا كاسپي بانككە قاراقشىلىق شابۋىل جاساعانداردى ۇستادى
الماتى قالاسى پ د كريمينالدىق پوليتسياسىنىڭ حابارلاۋىنشا، وسى قىلمىستى جاسادى دەگەن كۇدىكپەن 35، 34 جانە 28 جاستاعى ءۇش ادام ۇستالدى. ەكى ەر ادامدى الماتى قالالىق كريمينالدىق پوليتسيا جەدەل ۋاكىلدەرى ۇستادى. ءۇشىنشى كۇدىكتىنى ءدال قازىر ورال قالاسىندا باتىس قازاقستان وبلىسىنىڭ پ د قىزمەتكەرلەرى ۇستادى. ايعاق زات رەتىندە ۇرلانعان قاراجات تاركىلەنىپ، ق ر ق ك-نىڭ 192-بابى، 3-ءبولىمى بويىنشا المالى اۋداندىق پوليتسيا باسقارماسىنىڭ قىلمىستىق ءىس ماتەريالدارىنا تىركەلگەن.
ايتا كەتۋ كەرەك، الماتىدا 15-قازاندا Kaspi بانك بولىمشەسىنە شابۋىل جاسالعان بولاتىن. بەلگىسىز ادامدار بانك قىزمەتكەرلەرىن قارۋمەن قورقىتىپ، الدىن الا مالىمەتتەر بويىنشا، 2 ميلليون تەڭگەنى الىپ كەتكەن. قاراقشىلاردىڭ ءبىرى بالتامەن كاسسانىڭ شىنى تەرەزەسىن سىندىرىپ، ىشكە ەنگەن. قاراقشىلار قولدانعان اڭشى مىلتىعى سولاردىڭ بىرىنە تيەسىلى ەكەندىگى انىقتالدى. ۇستالعاندار قاماۋعا الىندى.