كوروناۆيرۋستىڭ جاڭا سيمپتومى اتالدى

نۇر-سۇلتان. قازاقپارات - ماسساچۋسەتس اۋرۋحاناسىنىڭ زەرتتەۋشىلەرى حالىقارالىق دەرماتولوگيالىق قوعامدار ليگاسىمەن جانە امەريكالىق دەرماتولوگيا اكادەمياسىمەن بىرلەسە وتىرىپ، كوروناۆيرۋس جۇقتىرىپ، ساۋىققان ادامداردا ۇزاق مەرزىم تەرىسىمەن پروبلەما بولۋى مۇمكىن ەكەنىن ايتتى، - دەپ حابارلايدى ريا نوۆوستي.

اقپارات پورتالى EurekAlert سايتىنا سىلتەمە جاساعان. وندا تەرىسى ءتۇرلى وزگەرىسكە ۇشىراعان COVID-19 جۇقتىرعان 1000 ادامنىڭ تالداۋى قارالعان.

ولاردىڭ ىشىندە كوروناۆيرۋس جۇقتىرعان بولۋى مۇمكىن 224 ادامدا جانە 90 راستالعان جاعدايدا وسىعان ۇقساس بەلگىلەردىڭ ۇزاقتىعى (12 كۇن) تۋرالى اقپارات بار. الايدا زەرتتەۋشىلەر تەرى بەلگىلەرى ەداۋىر ۇزاق ۋاقىتقا - كەم دەگەندە 60 كۇنگە سوزىلعان بىرنەشە پاتسيەنتتى تاپتى. تاعى ەكى ادامدا - ۇزاقتىعى 130 كۇننەن اسقان.

Telegraph مالىمەتىنشە، حالىقارالىق دەرماتولوگيالىق تىزىلىمدە اياعىندا تەرى اۋرۋىنىڭ دياگنوزى قويىلعان، كوروناۆيرۋس جۇقتىرىپ، ساۋىعىپ شىققان ناۋقاستار تۋرالى مالىمەتتەر بار. مۇنداي پاتسيەنتتەردىڭ جارتىسىنا جۋىعىنىڭ اياعى قابىنىپ، ولاردىڭ شامامەن 16 پايىزى اۋرۋحاناعا جاتقىزىلعان.