قازاقستاندا كوروناۆيرۋس ينفەكتسياسىنان قانشا ادام ەم قابىلداپ جاتىر؟
ولاردىڭ اراسىندا 313 بالا بار، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنىڭ رەسمي سايتىنا سىلتەمە جاساپ.
ستاتسيونارلاردا 2303 ناۋقاس جاتىر. 1158 ادام امبۋلاتوريالىق جاعدايدا ەمدەلۋدە.
جالپى ناۋقاستاردىڭ اراسىندا 135 ادامنىڭ احۋالى ناشار. سونىڭ ىشىندە 9 ناۋقاستىڭ احۋالى اسا قاتتى اۋىر دەپ باعالانۋدا. 16 ناۋقاس وكپەنى جاساندى جەلدەتۋ اپپاراتىندا جاتىر.
ق ر دەنساۋلىق ساقتاۋ مينيسترلىگى بۇدان بىلاي تاۋلىكتىك ناتيجەلەر تۋرالى اقپاراتتى ۇزبەي جاريالاپ وتىرادى. بارلىق مالىمەت رەسمي سايتتا جانە ۆەدومستۆونىڭ الەۋمەتتىك جەلىلەردەگى پاراقشالارى ارقىلى تاراتىلادى.
اتاپ ايتقاندا، ناۋقاستاردىڭ جالپى سانى جونىندە، قايتىس بولۋ دەرەكتەرى تۋرالى جانە دە قوعام ءۇشىن ماڭىزدى احۋالدىڭ بارلىعى رەسمي اقپارات تاراتۋ كوزدەرىندە جەدەل جاريالانىپ تۇرادى.
ال، ايماقتارداعى احۋال تۋرالى اقپاراتتى اپتا سايىن دەنساۋلىق ساقتاۋ مينيسترلىگىنىڭ رەسمي وكىلى ارنايى باسپا ءسوز بريفينگىندە حابارلاپ تۇرادى.