پۋتين قاراباق تەرريتورياسىنىڭ بولىگى ازەربايجانعا بەرىلۋى مۇمكىن ەكەنىن ايتتى

نۇر-سۇلتان. قازاقپارات - تاۋلى قاراباق ماسەلەسىندە رەسەيلىك تاراپ ارمەنيا ازەربايجانعا جەتى اۋدان بەرۋى مۇمكىن ەكەنىن بىلگەن.

مۇنداي مالىمدەمەنى ر ف ۆلاديمير پۋتين «روسسيا زوۆەت» «ۆتب كاپيتال» ينۆەستفورۋمىنىڭ جالپى وتىرىسىندا ايتتى، - دەپ حابارلايدى Tengrinews.kz ءتىلشىسى «يزۆەستيا» باسىلىمىنا سىلتەمە جاساپ.

«ءبىزدىڭ و باستان ۇستانىمىمىز بەلگىلى - ازەربايجانعا بەس جانە ەكى اۋداندى بەرۋ تۋرالى ايتۋ كەرەك دەدىك. ارمەنيامەن ءوزارا ارەكەت ەتەتىندەي قاراباق زوناسىندا بەلگىلى ءبىر رەجيم قامتاماسىز ەتىلۋى ءتيىس»، - دەدى پۋتين.

رەسەي پرەزيدەنتى تاۋلى قاراباق بويىنشا وڭاي شەشىم جوعىن اتاپ ءوتتى. سەبەبى ءار تاراپتىڭ ءوز شىندىعى بار. قاقتىعىستىڭ تۇبىندە ەتنيكالىق تەكەتىرەستەر جاتىر. ونى ك س ر و بيلىگى شەشپەگەن. پۋتيننىڭ ايتۋىنشا، بۇل ارمەنيالىقتاردىڭ قارۋ الۋىنا تۇرتكى بولعان. ناتيجەسىندە تاۋلى قاراباق جانە ازەربايجاننىڭ جەتى اۋدانى ارمەنيا باقىلاۋىنا ءوتىپ كەتكەن.

ەندى باكۋ سول جەتى اۋداننىڭ ارمەنياعا دا، القاشقى قاقتىعىسقا دا قاتىسى جوق ەكەنىن ايتىپ وتىر.

«باكۋ نە دەيدى؟ بۇل - نەگىزىنەن ازەربايجان تەرريتورياسى. ازەربايجان «سول جەرلەردى قايتارىپ الۋعا قۇقىمىز بار» دەيدى. ءار تاراپتىڭ ءوزى شىندىعى بارىن ءتۇسىنىپ وتىرسىز. بۇل جەردە وڭاي شەشىم جوق، سەبەبى ءجىپ قاتتى بايلانعان»، - دەدى رەسەي پرەزيدەنتى.

ەسكە سالايىق، 27- قىركۇيەكتە تاڭەرتەڭ ارمەنيا مەن ازەربايجان اراسىنداعى قاقتىعىس شيەلەنىستى. تاۋلى قاراباقتا سوعىس جاعدايى ەنگىزىلدى. ارمەنيا دا قاراباقتاعى وقيعالارعا بايلانىستى اسكەري جاعداي مەن جالپى موبيليزاتسيا جاريالادى.