قىرعىزستاننىڭ سىرتقى ىستەر ءمينيسترى قازاقستاننان كومەك سۇرادى

None
None
نۇر-سۇلتان. قازاقپارات - قىرعىز رەسپۋبليكاسىنىڭ سىرتقى ىستەر ءمينيسترى رۋسلان قازاقبايەۆ قازاقستاننان ءدارى-دارمەك پەن قورعانىش قۇرالدارىن سۇراپ، كومەكتەسۋىن ءوتىندى، - دەپ حابارلايدى Tengrinews.kz ءتىلشىسى قىرعىزستان س ءى م باسپا ءسوز قىزمەتىنە سىلتەمە جاساپ.

نۇر-سۇلتان قالاسىنا جۇمىس ساپارىمەن كەلگەن قىرعىز رەسپۋبليكاسىنىڭ سىرتقى ىستەر ءمينيسترى رۋسلان قازاقبايەۆ قازاقستاننىڭ سىرتقى ىستەر ءمينيسترى مۇحتار تىلەۋبەردىمەن كەزدەستى.

قىرعىزستان س ءى م قارجىلاي-تەحنيكالىق كومەك كورسەتۋ مۇمكىندىگىن دە قاراستىرۋدى ءوتىندى.

«مينيستر رۋسلان قازاقبايەۆ قازاقستاندىق تاراپتان قىرعىزستاننىڭ دەنساۋلىق ساقتاۋ مينيسترلىگىنە قايتارىمسىز نەگىزدە ءدارى-دارمەك جانە قورعانىش قۇرالدارىن بەرۋدى سۇرادى. سىرتقى ساياسات ۆەدومستۆولارىنىڭ باسشىلارى جۇك تاسىمالداۋشىلار ءۇشىن قىرعىزستان- قازاقستان شەكاراسىندا قولايلى جاعداي جاساۋ كەرەگىن اتاپ ءوتتى»، - دەپ حابارلادى قىرعىزستان س ءى م.

سونداي-اق قازاقستاننىڭ پرەمەر-ءمينيسترى اسقار مامين قىرعىز رەسپۋبليكاسىنىڭ سىرتقى ىستەر ءمينيسترى رۋسلان قازاقبايەۆتى قابىلدادى. ۇكىمەت باسشىسى 2020-2022-جىلدارعا ارنالعان قازاقستان مەن قىرعىزستان اراسىنداعى ىنتىماقتاستىقتىڭ كەشەندى باعدارلاماسىنىڭ تارماقتارىن قوسا العاندا، ەلدەر اراسىندا بۇعان دەيىن قول جەتكىزىلگەن ۋاعدالاستىقتاردى ىسكە اسىرۋدىڭ ماڭىزدىلىعىن اتاپ ءوتتى.

تاراپتار ەكى ەلدىڭ ساۋدا-ەكونوميكالىق، ينۆەستيتسيالىق، ترانزيت-كولىك، لوگيستيكا، سۋ- ەنەرگەتيكا سالالارىنداعى ىنتىماقتاستىعىنىڭ جاي-كۇيى مەن پەرسپەكتيۆالارىن، سونداي-اق پاندەميانىڭ تەرىس سالدارىن ازايتۋداعى ءوزارا ءىس-قيمىلىن تالقىلادى.

كەزدەسۋگە ق ر سىرتقى ىستەر ءمينيسترى مۇحتار تىلەۋبەردى قاتىستى.

سوڭعى جاڭالىقتار