گولوۆكيننىڭ الداعى چەمپيوندىق جەكپە-جەگىنەن كەيىنگى قارسىلاسى انىقتالدى
ءبىراق بۇل كەزدەسۋ قازاقستاندىق بوكسشىنىڭ كاميل شەرەمەتامەن كەزدەسۋىنەن كەيىن عانا وتەدى، - دەپ حابارلايدى As.com.
30- قازان كۇنى مۋنگيا كاسىپقوي بوكستاعى ءوزىنىڭ كەزەكتى كەزدەسۋىن باگام ارالدارىنىڭ وكىلى تۋرەانو دجونسونمەن كەزدەسۋى كەرەك. مەكسيكالىق بوكسشى بۇل كەزدەسۋدە جەڭىسكە جەتەتىن بولسا، گولوۆكينمەن كەزدەسۋگە تاعى ءبىر تابان جاقىنداي تۇسەدى.
دەگەنمەن بۇل كەزدەسۋگە دەيىن قازاقستاندىق بوكسشى ءبىر كەزدەسۋ وتكىزۋ كەرەك. تارقاتىپ ايتساق، گولوۆكين پولشالىق كاميل شەرەمەتاعا قارسى چەمپيوندىق بەلبەۋىن قورعاۋعا مىندەتتى. بەيرەسمي اقپارات بويىنشا، بۇل كەزدەسۋ 2020-جىلدىڭ قاراشا ايىندا وتەدى. سودان سوڭ مەكسيكالىق بوكسشى مەن گولوۆكين اراسىنداعى ايقاس 2021-جىلدىڭ باسىندا ءوتۋى ىقتيمال.
مۋنگيا گولوۆكينمەن جەكپە-جەك وتكىزگىسى كەلەتىنىن بۇعان دەيىن دە تالاي مارتە ايتقان. ءتىپتى ول ساۋل «كانەلو» الۆارەستىڭ ورنىن باسۋعا دايىن ەكەنىن دە مالىمدەپ ەدى.
قازىرگى ۋاقىتتا بۇل بوكسشى ءبىرىنشى ورتا سالماقتا ونەر كورسەتەدى. ءبىراق قازاقستاندىقپەن كەزدەسۋ ءۇشىن ول ورتا سالماققا كوتەرىلۋگە دايىن ەكەن.